Diyora Keldiyorova
Diyora Baxtiyorovna Keldiyorova (1998-jıl 13-iyul, Past Dargom rayonı[2], Samarqand wálayatı, Ózbekstan) - Ózbekstanlı dzyudoshı[3]. 2024-jılı Franciyanıń Parij qalasında ótkerilgen jazǵı Olimpiada oyınlarında Dzyudo sport túrinde 52 kg salmaq kategoriyasında altın medal iyesi.
| Diyora Keldiyorova | |
|---|---|
 Diyora Keldiyorova 2024-jilǵı jazǵı Olimpiada oyınlarında | |
| Jeke maǵlıwmatları | |
| Jınısı | Hayal |
| Laqabı | Diya[1] |
| Puqaralıǵı |  Ózbekstan |
| Tuwılǵan sánesi | 13-iyul 1998-jıl Juma (qala), Pastdargam rayonı, Samarqand wálayatı, Ózbekstan |
| Boyı | 150 sm |
| Salmaǵı | 52 kg |
| Qostarı | Azamat Matyoqubov |
| Sport | |
| Sport túri | dzyudo |
| Trener(ler)i | Xurshida Xoliqova Nelli Kiyamova Marko Spittka |
Jetiskenlikleri
redaktorlawDiyora Keldiyorova 2013-jılı Qıtaydıń Nankin qalasında ótkerilgen jaslar arasındaǵı Aziya oyınlarında 44 kg ǵa shekemgi salmaq kategoriyasında qola medalın qolǵa kirgizgen. 2016-2018 jıllarda dzyudo boyınsha jaslar arasındaǵı Aziya chempionatında qola medalı iyesi bolǵan[4].
2019-jıl BAÁ-niń Fujayra qalasında ótkerilgen dzyudo boyınsha Aziya chempionatında 52 kg ǵa shekemgi salmaq kategoriyasında turnir finalına deyin jetip kelgen. Finalda monǵoliyalı dzyudoshını jeńip, altın medaldı qolǵa kirgizgen[5][6]. Sonday-aq, Italiyanıń Neapol qalasında ótkerilgen jazǵı Universiadada 52 kg salmaq kategoriyasında qola medalınıń iyesi bolǵan[7]. Qıtaydıń Uxan qalasında ótkerilgen dúnyajúzilik áskeriy oyınlarda qola medalın alıwǵa eristi.
Diyora Keldiyorova 2021-jılı Túrkiyanıń Antaliya qalasında dzyudo boyınsha turnir finalında ispaniyalı Estrella Lopesti jeńdi hám altın medaldıń iyesi boldı[8].
Qırǵızstannıń Bishkek qalasında dzyudo boyınsha ótkerilgen Aziya chempionatında 52 kg ǵa shekemgi salmaq kategoriyasında finalda koreyalı dzyudoshı Park Da-Solǵa jeńilip, gúmis medalınıń iyesine aylandı[9]. 2021-jılı iyulda Vengriyanıń Budapesht qalasında dzyudo boyınsha ótkerilgen Jáhán chempionatında Keldiyorova komandalıq chempionatta qola medalın qolǵa kirgizdi. Sonday-aq usı salmaq kategoriyasında qola ushın gúreste izrailli dzyudoshı Gefen Primoǵa 10:0 esabında jeńildi[10]. Tokiodaǵı Jazǵı Olimpiada oyınlarında Keldiyorova birinshi raundta monǵoliyalı dzyudoshıdan jeńildi[11].
2023-jıl may ayında Qatar paytaxtında ótkerilgen Jáhán chempionatında 52 kg ǵa shekemgi salmaq kategoriyasında finalda yaponiyalı sportshı Uta Abege utılıp, gúmis medaldı alıwǵa eristi. 2024-jıl aprelde dzyudo boyınsha Aziya chempionatında Diyora Keldiyorova qola medalı ushın gúreste qubla koreyalı Yerin Jungdı jeńip, qola medalınıń iyesi boldı. 2024-jıl 20-may kúni Birlesken Arab Ámirliklerinde ótkerilgen olimpiada oyınları aldınan Jáhán chempionatında Diyora finalda italiyalı sportshı Odetta Giuffridaǵa utılıp, gúmis medalınıń iyesine aylandı[12].
Derekler
redaktorlaw- ↑ Úlgi:YouTube
- ↑ „Osiyo va jahon chempioni, pastdarg‘omlik dzyudochi Diyora Keldiyorova turmushga chiqdi: Endi u faoliyatini tugatadimi?“. zarnews.uz (24-avgust 2022-jıl). 28-iyul 2024-jılda túp nusqadan arxivlendi. Qaraldı: 28-iyul 2024-jıl.
- ↑ „Бир қатор спортчилар унвон ва орденлар билан тақдирланди“.
- ↑ https://www.ijf.org/athlete/17378/results?results_rank_group=cont_champ&results_place=3
- ↑ https://web.archive.org/web/20210815121011/https://www.judoinside.com/event/14167/2019_Asian_Pacific_Championships_Fujairah/judo-results
- ↑ https://web.archive.org/web/20210815131402/http://stv.uz/news/newsamar/10534-diera-keldierova-iz-samarkanda-zavoevala-zoloto.html
- ↑ https://web.archive.org/web/20210815131403/https://www.universiade2019napoli.it/judo-2/
- ↑ https://web.archive.org/web/20210815131402/https://uznews.uz/ru/article/30203/
- ↑ https://www.ijf.org/competition/2235
- ↑ https://web.archive.org/web/20211023195245/https://78884ca60822a34fb0e6-082b8fd5551e97bc65e327988b444396.ssl.cf3.rackcdn.com/up/2021/05/WJC_Hungary_2021_version_20_Ma-1621521232.pdf
- ↑ https://web.archive.org/web/20210815131400/https://repost.uz/vsyo-ravno-gordimsya
- ↑ https://www.gazeta.uz/ru/2024/05/20/judo/