Wikipedia:Wikipedia haqqında

Qaraqalpaqsha Wikipedia - baslı máqseti jer júziniń hámme tilindegi entsiklopediyasın jaratıw bolǵan kóp tilli proekttiń bólimi.

Qálegen adam Wikipediadan qálegen maǵlıwmatın (eger bar bolsa) biypul tabıwı múmkin. Eger siz izlegen maǵlıwmat tabılmasa, qapa bolmań. Azǵana waqıttan keyin Wikipediaǵa jáne kirip kóriń, bálkim siz izlegen maǵlıwmat payda bolıp qalar. Yamasa, ózińiz bir-eki maqala qosıń.

Siz maqalanı qashan moderator jariyalaǵanǵa shekem kútemen be dep oylawıńız múmkin, biraq Wikipediada onday emes. Wikipediada moderator joq, qálegen paydalanıwshı qálegen maqalanı ózgerte aladı. Bul ózgerisler dárhal basqa paydalanıwshilarǵa kórinedi, hátteki registratsiyadanda ótiw shárt emes (biraq, akkaunt jaratıwıńizdı máslahat etemiz).

Eger Wikipedia proektlerinde birinshi ret qatnasıp atırg'an bolsan'ız, Baslawshılar ushın qısqa qollanba betinen baslawın'ızdı ma'slahat etemiz.

Eger Wikipediada maqala jaratıwdın' qag'ıydaları menen tanıs bolsan'ız, biraq qanday maqala jazıwdı bilmey tursan'ız, Ha'mme Wikipediyalarda bolıwı tiyis maqalalar dizimi menen tanısıp shıg'ın', sol jerden ba'lkim o'zin'izge qızıq bolg'an maqalalardı tabarsız.

Maqala jaratqanda ishindegi mag'lıwmattı tek qaraqalpaq tilinde jazın', basqa tillerde jazıw qadag'an etiledi ha'm olar administratorlar ta'repinen sorawsız o'shiriledi.

Maqala jaratıwdan aldın bul maqala aldın jaratılg'an yamasa jaratılmag'anlıg'ın tekserip ko'rin. Onın' ushın usı bettin' shep jag'ında jaylasqan "izlew" bo'limindegi tekst maydanına maqala atamasın jazıp, "İzle"ni basın'.

Wikipedia ashıq ensiklopediya bolıp, ha'r bir qa'lewshi bul ensiklopediyada qatnasıp o'zinin' u'lesin qosıwı mu'mkin.

BİZ SİZDEN O'ZİN'İZDİN' U'LESİN'İZDİ QOSIWIN'IZDI SORAYMIZ.