Qoqangúl
Qoqangúl — quramalıgúlliler tuqımlasına tiyisli eki tuwıs ósimliklerdiń ulıwma atı. 200 túri belgili. Arqa hám Qubla Amerikada, Afrika, Aziya hám Evropada keń tarqalǵan. Tek bir túri - qıtay yáki bir jıllıq qoqangúl Qıtay hám Yaponiyada jabayı halda ósedi, gúlleri iri, sebetshege jıynalǵan, reńi fiolet, qızıl, aq, iyuldan baslap gúzge shekem ashılıp turadı. Bir jıllıq qatqat gúlli hám basqa túrleri sánli qoqangúl esaplanadı. 4 mıńǵa jaqın mádeniy sortı bar. Olar bir-birinen forması, reńi, boyı hám gúlleriniń jaylasıwı menen parıq qıladı. Qoqangúldiń ekinshi tuwısı túrleriniń japıraqları ápiwayı, izbe-iz jaylasqan kóp jıllıq shóplerden ibarat. Gúlleri sebetshe topgúllerge jıynalǵan. Tundradan toǵay zonasına shekem bolǵan jaylawlar, dalalar, taw zonalarında ósedi. Tuqımınan kóbeyedi. Baǵlarda, kóshelerde sánli ósimlik sıpatında ósiriledi[1].
Derekler
redaktorlaw- "Qo'qongul" O'zME. Q-harfi Birinshi basılım. Tashkent, 2000-jıl