Qaraqalpaqstan tеlеvideniesi

Qaraqalpaqstan tеlеvideniesi (ózbekshe Qoraqalpogʻiston Televideniyesi) — regionlıq telekanal hám teleradiokompaniyasi, Ózbekstan quramındaǵı Suveren Qaraqalpaqstan Respublikası aymaǵında efirga uzatıladı. Efir waqtı kúnine 18 saat bolıp, tiykarınan qaraqalpaq, ózbek, qazaq hám orıs tillerinde esittiriwler alıp barıladı. Qaraqalpaq tilindegi eń birinshi, eń iri hám bas telekanal. Teleradiokompaniya tiykarınan Nókiste jaylasqan.

Táriyxı

Qaraqalpaq televideniesiniń birinshi esittiriwleri 1964-jıl 5-noyabrden baslap qaraqalpaq hám orıs tillerinde kúnine bir neshe minut efirga uzatıla baslandı. 1965-jıldan bul televidenie háptesine tórt ret 2,5 saat dawamında efirga shıǵa basladı. Keyingi jıllarda efir waqtı hám kúnleri arttı. Ózbekstan ǵárezsizlikke eriskennen soń, Qaraqalpaqstan televideniyası Ózbekstan TRK (házirgi ) quramına kirdi. 2002-jılda Qaraqalpaqstan Respublikası teleradiokompaniyası dúzildi.

Jónelisi

Telekanal tematikası universal bolıp tabıladı. Telekanal social, siyasiy, ilimiy hám bilimlendiriwge baylanıslı programmalar hám esittiriwlerdi, jergilikli hám shet el filmlerin, seriallar hám multfilmlerdi (sonday-aq qaraqalpaq tilinde), jańalıqlardı hám basqada esittiriwlerdi efirga uzatadı.

Sonıń menen birge qarań

• Qaraqalpaqstan xabar agentligi
• Qaraqalpaqstan telekanalı
• Jaslar TV - Qaraqalpaqstan Respublikasında jańa cifrlı televidenie.
• Nókis FM - Qaraqalpaqstan Respublikasında birinchi radio stansiyasi.

Siltemeler

• „ózbekshe Qoraqalpogʻiston. Teleradiokompaniya haqida“ (uz).

• „russha Ганиева Э. Р. Новые страницы истории телевидения Узбекистана // Молодой ученый. — 2017. — №21. — С. 57-59“ (ru).