Jaslar TV
Jaslar TV — telekanalı Respublikamızdaǵı qaraqalpaq tilinde jumıs alıp baratuǵın mámleketlik emes jaslarbap birinshi kanal.
 | |
| Qashan tiykar salınǵan | 2018 |
|---|---|
| Baslıqlar | Baxıtbek Elmanov |
| Websaytı | jaslar.tv |
2018-jılı 21-yanvar sánesinde Qaraqalpaqstanda birinshi mámleketlik emes telekanal payda boldı[1].
Telekanal tiykarshısı Baxıtbek Elmanov. Dáslebinde radio 3 ay dawamında test rejiminde efirge uzatıldı. 8-mart sánesinde baslawshılar tárepinen tayarlanǵan kishkene rubrikalar efirge uzatıla basladı. Aradan kóp waqıt ótpey-aq, «Jaslar TV» telekanalı jaslarımızdıń, sonıń menen qatar jası úlkenlerdiń de súyikli telekanalına aylanıp úlgerdi. Búgingi kúnde qaraqalpaq tilinde alıp barılıp atırǵan bir-birinen ájayıp kewil ashar kórsetiwleri, baǵdarlamaları, estrada qosıqshıları tárepinen tayarlanǵan sazlı máwritler, jáhan, ózbek hám qaraqalpaq kino álemindegi hár qıylı janrdaǵı kino hám serialları menen telekanal jaslar menen qatar jası úlkenlerdiń de kewlinen teńdey orın alıp kelmekte!
Tariyxı
redaktorlaw«Nókis FM» radiosı tiykarshısı, ustaz-jurnalist Baxıtbek Elmanov radio qasında jaslarbap telekanal ashıwdı da niyet etken edi. Kóp waqıttan berli rejelestirip júrgen bul niyetin ol 2018-jılı ámelge asırdı. 2018-jılı 21-yanvar sánesinde Qaraqalpaqstanda birinshi mámleketlik emes telekanalǵa tiykar salındı. Kanal tiykarshısı – jurnalist Baxıtbek Elmanov. Bul telekanalǵa «Jaslar TV» degen atama berildi. Telekanal dáslep 3 ay dawamında test rejiminde efirge uzatıldı. Soń rásmiy túrde tastıyqlanıp, 8-mart sánesinde baslawshılar tárepinen tayarlanǵan kishkene rubrikalar efirge uzatıla basladı. Eń dáslep "Men juwap beremen", "Tet-a-tet" kórsetiwleri tayarlandı. Sońınan quramalı tárizde tayarlanatuǵın reportyorlar menen birgelikte "Jaslar live" hám estrada qosıqshıları haqqında "Juldızlar haqqında" kórsetiwleri efir júzin kórdi. Telekanalda eń dáslep hawazları tıńlawshılar kewlinen orın alǵan radio baslawshılar tele baslawshı sıpatında óz jumısların basladı. Televidinie arqalı radio baslawshı Elmira Ataniyazova "Juldızlar haqqında" kórsetiwi arqalı, soń Farid Orınbaev "Juldızlı xit-parad" kórsetiwi arqalı dóretiwshiliklerin dawam ettirdi. Búgingi kúnge shekem telekanal kóplegen jetiskenliklerge eristi. Baxıtbek Elmanovtıń baslaması menen bir qansha tańlawlarǵa qatnasıp, grand-pri hám basqa da kóplegen nátiyjelerdi qolǵa kiritti. Házirgi kúnde telekanal direktorı Minayxan Palwanova. Direktor orınbasarı Baxtiyar Qalbaev, bas redaktor Ilxam Atamuratov, bas rejissyor Jasurbek Ismayilov, redaktorlar Muslima Mámbetniyazova hám Elmira Ataniyazova. Búgingi kúnde telekanaldan kóp ǵana kórsetiwler hám baǵdarlamalar orın alǵan. Telekanaldıń jáne bir jetiskenligi basım kópshilik kórsetiwler tuwrıdan-tuwrı efirde alıp barıladı. Telekanal saat dawamında xalqımızǵa sapalı xızmet kórsetip kelmekte!
Baslawshılar
redaktorlawLázzat Esemuratova, Ulboǵan Erimbetova, Farid Orınbaev, Islam Satullaev, Elmira Ataniyazova, Abbas Usnatdinov, Gawxar Sultamuratova, Muslima Mámbetniyazova, Ǵumshagúl Esemuratova, Inabat Aytbaeva, Biybimaryam Yunusova, Nurjamal Bazarbaeva, Erkin Turganbaev, Minara Qalbaeva, Marjan Alliyarova, Elbrus Utemuratov.
Kórsetiwler
redaktorlaw| Tele Programmalar | ||
|---|---|---|
| Atı | Efir waqtı | |
| 1 | Sazlı kesh | |
| 2 | Juldızlar haqqında | |
| 3 | Jaslar live | |
| 4 | Live Nókis fm | |
| 5 | Juldızlı xit-parad | |
| 6 | Siz súygen qosıqlar tariyxı | |
| 7 | Muxabbatım | |
| 8 | Sport time | |
| 9 | Stopkadr | hápteniń hár siyshembi
kúni saat 19.35 |
| 10 | Qutlıqlawlar waqtı | |
| 11 | The best day | |
| 12 | Online-sawbet | |
| 13 | Rasın aytqanda | |
| 14 | Palapan | |
Sonıń menen birge qarań
redaktorlaw- Nókis FM - Qaraqalpaqstan Respublikasında birinshi jaslarbap, zamanagóy radiostanciya.
- Baxıtbek Elmanov - Qaraqalpaqstanda birinshi jeke radio bolǵan Nókis FM hám Jaslar TV telekanalı tiykarshısı.