Istanbul

Istanbul — Túrkiyadaǵı eń úlken qala. 2013-jılı qala xalqınıń sanı 14 160 467 adam bolǵan. Istanbul Marmar teńizi hàm Bosfor buǵazınıń pás-bálent jaǵasında jaylasqan. Buǵaz qalanı ekige - Aziya hám Evropa bólimine ajıratıp turadı. Evropa jaǵi Altın Shax qoltıǵı boylarında jaylasqan. 1970—1972-jıllarda Bosfor buǵazında Istanbuldıń hár eki bólimin birlestiretuǵın kópir qurılǵan.

Istanbul

Klimatı

Klimatı subtropikalıq Jer Orta teńiz klimatı, yanvarda temparatura +5°C, avgustta +25,6°C, ortasha jıllıq jawın muǵdarı 633 mm.

Tariyxı

Istanbulǵa b.e.sh. 660-jılda Vizantiya qalası bolıp tiykar salınǵan. 330-jıldan Rim Imperatorı Konstantin atı menen Konstantinopol dep atalǵan.