Antananarivu

Antananarivu (malag. Antananarivo) yaki Tananarive (fran. Tananarive) — Madagaskar paytaxtı hám sol atamadaǵı provinciyanıń administrativlik orayı. Qala Madagaskar atawınıń oraylıq bóleginde, Bálent Platoda, teńiz betinen 1240 -1470 metr biyiklikte jaylasqan.

Xalqı, 2021-jılǵı maǵlıwmatlarǵa kóre, 2 610 018 adam.

Antananarivu qalası temir hám avtomobil jolları kesilispesinde jaylasqan bolıp, temir jol arqalı shıǵıs jaǵıs (Tuamasina qalası ), Alautra kóli aymaǵı (Ambatundrazaka qalası) hám Anсirabe qalası menen baylanısqan. Magistral jollar paytaxttı barlıq wálayatlar menen baylanıstıradı. Antananarivuda Ivatu xalıqaralıq aeroportı da jaylasqan.

Etimologiya

Qalaǵa XVII ásirde tiykar salınǵan. Onıń malagasiyshe atı Antananarivo - "mıń awıl" degen mánisti ańlatadı (an - prefiks, denena - "awıl", arivo - "mıń"). Qala atamasınıń gónergen forması Tananarive (fran. Tananarive).