Wikipedia:Súwretlerden paydalanıw siyasatı

Wikipedia maqalalarında súwretlerden paydalanıw qollap-quwatlanadı. Maqalanıń ishine kórkem súwret yamasa túsindiriwshi sızılma qoyıw ushın kishigirim tayarlıq talap etiledi.

Aldın súwretlerdi barlıq wikibólimler ushın ortalıq qoymaxana bolǵan — Wikiqoyma yamasa jergilikli Wikipedia bólimine júklew kerek. Birinshi variant Wikipedia qaǵıydaları boyınsha abzalıraq. Sebebi, Wikiqoymaǵa bir márte júklengen súwret Wikipedianıń hár bir bóliminde paydalanılıwı múmkin. Bul bolsa maqalalardı awdarmalawdı qolaylastıradı.

Súwretti qaydan alıw múmkin?

Wikiqoymaǵa fayl júklew qollanbası

Eger sizge Wikipediaǵa qosıw ushın qaysı bir obyekttiń yamasa hádiyseniń fotosúwreti kerek bolsa, ózińiz cifrlı kamera yamasa smartfon járdeminde súwretke túsiriń.

Eger sızılma yamasa diagramma kerek bolsa, sızıw yamasa bezew programması járdeminde olardı aldınnan tayarlaw kerek. Basqa variant: ápiwayı qaǵaz ústine kerekli diagrammanı tártipli sızıp, keyin onı skaner járdeminde kóshiriw, biraq bunda sapa tómen shıǵadı.

Internetten súwretlerdi alıp yamasa kitaplardan súwretlerdi kóshirip (skaner arqalı), soń onı Wikipediada paydalanıw ushın avtorlıq huqıqlarına iye adamnan ruxsat alıw kerek. Qaǵıydadan tıs jaǵdaylar: jámiyet múlkine aylanǵan súwretler hám súwretler reprodukciyaları. Qarań:Wikipedia:Súwretler derekleri

Bálki kerekli súwret Wikipediada bar shıǵar. Bunı tekseriw ushın «Fayllar dizimi»n kórip shıǵıń («Izlew» funkciyasın qollanıwıńız múmkin). Qosımsha qarań:Wikiqoyma.

Eger kerekli súwret Wikipediada bar bolsa, lekin sapası qanaatlandırarsız bolsa, jaqsılaw sapadaǵı súwretti áyne at astında júklew (eski súwrettiń ornına qoyıw) usınıs etiledi.

Basqa Wikibólimlerdegi súwretlerdi paydalanıw ushın (mısalı en:File:Marie_Francois_Xavier_Bichat.jpg), súwretti ya Wikiqoymaǵa (súwret licenziyası buǵan ruxsat berse), ya jergilikli Wikibólimge ótkeriw tiyis. Basqa Wikibólimlerdegi súwretlerdi tikkeley qollanıw Wikipediada qollap-quwatlanbaydı.

Kerekli súwret tabılmasa ne?

Eger maqalaǵa súwret qoyıw kútá zárúrli bolsa, degen menen siz sáykes licenziyaǵa iye súwretti tawalmasańız,Wikipedia:Fayl júklewdi soraw betinde sizge kerekli bolǵan erkin emes fayldı júklewge soranıw xatı qaldırıwıńız múmkin.

Súwretler ushın talaplar

Maqalaǵa súwret jaylastırıwdan aldın onıń tómendegi talaplarǵa say keliwin tekseriw kerek:

• Avtorlıq huqıqlarına boysınıń: fayllardı avtorlıq huqıqına iye adamnıń ruxsatısız Wikipediaǵa hesh qashan júklemeń.
• Reńli súwret, súwret, fotografiya hám kórkem shıǵarma reprodukciyaları ushın JPEG formatın qollanıń, al sızılmalar, skrinshotlar, tańbalar hám taǵı basqalar ushın — PNG formatın. Eger súwretlerińizdiń formatı usılardan basqa bolsa, usınıs etilgen formatlarǵa konvertaciya qılıń.
• Júklengen súwretler eng úlken rezolyuciyaǵa iye bolıwı kerek — bul baspanıń joqarı sapasın támiyinleydi. Wikipedia nızamlarına muwapıq súwret kórinisindegi fayldıń maksimal ruxsat etilgen kólemi — 2 MB, sol ushın súwretler rezoluciyasın júklewden aldın kemeytpeń. Nabada súwrettiń úlkenligin kemeytiw zárúr bolsa, onı maqalaǵa qosıw barısında Wikibelgiler komandaları menen de islewińiz múmkin. Maqalaǵa qosılatuǵın súwrettiń kólemi 35 KBtan (kóbi menen 70 KB) kem bolıwın támiyinlewge tırısıń.
• Súwretlerdi qol qoymastan júklew (basqa Wikibólimlarde qollanıw ushın) usınıs etiledi. Wikibelgiler komandaları arqalı qol ańsatlıq penen qoyıladı. Qosımsha qarań:Wikipedia:Qol.
• Hár bir súwret ushın sıpatlama beti bar, bul betti siz toltırıwıńız shárt. Bunıń ushın siz derekler hám licenziyalar haqqındaǵı maǵlıwmatlardı tayarlawıńız kerek. Eger siz súwretti basqa Wikibólimnen júklegen bolsańız, siz tek ǵana sol bólimge silteme emes, bálki qosımsha túrde licenziya túrin de kórsetiwińiz kerek. Qosımsha qarań:Wikipedia:Súwretler licenziyaları.
• Qosımsha aytıp ótiw kerek, múmkin bolsa avtordıń atın hám súwret sıpatlamasın jazıw usınıs etiledi. Qosımsha qarań:Súwret táriypi.

Súwretti Wikipediaǵa júklew

Tek ruxsat berilgen paydalanıwshılar ǵana Wikiqoymaǵa hám jergilikli bazaǵa fayllar júklewi múmkin. Bul boyınsha háreketler izbe-izligi Fayl júklew atlı arnawlı bette sáwlelengen. Wikipediaǵa fayl júklew waqtında tómendegilerge itibar beriw kerek:

• faylǵa jańa at beriw ushın fayldı qaytadan júkleniwi, fayldıń eski veriyası administrator tárepinen óshiriliwi kerek;
• joqarı sapalı fayldı eski fayldıń ornına júklegende fayldıń eski versiyası óshirilmeydi, al Wikipedia «tariyx»ında saqlanadı;
• Wikipediadaǵı fayl atlarında BAS hám mayda háripler parıq beredi.

Júklengen fayllardı Fayllar diziminde yamasa Súwretler kategoriyaları arqalı kóriw múmkin.

Súwret sıpatlaması

Fayldı júklegennen keyin súwrettiń sıpatlama betine silteme kórsetiledi hám siz ol betti tolıqtırıwıńız shárt.

Súwret sıpatlaması ushın «Súwret» úlgisin qollanıw usınıs etiledi. Úlgini qollanıw formatı:

{{Súwret
| sıpatlama    =
| derek        =
| sáne         =
| avtor        =
| licenziya    = 
}}

Usınıs etiletuǵın súwret sıpatlaması

Usınıs etiletuǵın format:

Súwret sıpatlaması

Sıpatlama	Súwretińizdiń sıpatlaması
Derek	Siziń paydalanıwshı atıńız yamasa derek
Jaratılıw waqtı	Súwrettiń jaratılıw waqtı
Avtor	Avtor
Licenziya	Licenziya túri (usınıs etiletuǵın licenziya túri — GNU FDL; Qosımsha qarań:Wikipediya:Úlgiler)

Eger siz súwretti basqa Wikibólimnen júklegen bolsańız, siz tek ǵana bólimge siltemeni emes, bálki qosımsha túrde licenziya túrin de kórsetiwińiz kerek (márhámat, múmkin bolsa súwret haqqında barlıq maǵlıwmatlardı jergilikli betke nusqalap kóshiriń).

Kategoriyalarǵa qosıw

Júklengen súwretlerdi arnawlı kategoriyalarǵa (Kategoriya:Súwretler ierarxiyasına kiretuǵın) qosıw kerek. Bul arnawlı kategoriyalardıń atları «Súwretler» prefiksi menen baslanıwı kerek — mısalı:Kategoriya:Súwretler:Qaraqalpaqstan.