Qıssaxanlıq

Qıssaxanlıq — túrkiy tilles (ásirese Orta Aziya hám Ázerbayjan) xalıqlarda tarqalǵan, kishigirim otırıspa-jıyınlarda hám ushırasıwlarda belgili bir dástan hám qosıqlardı sazsız, xalıqqa jaǵımlı namada dawıslap oqıp jetkerip beriw óneri. Bul ónerdi iyelegen sawatlı adamlardı xalıq «qıssaxan» dep ataǵan .

XIX ásirdiń ekinshi yarımı XX ásirdiń basında qaraqalpaq kórkem ónerinde qıssaxanlıq tez pát penen rawajlandı. XIX ásirdiń aqırında Tallıqta Qorazbek Razbek ulınıń , al XX ásirdiń basında Shımbayda Qazı Máwlik basshılıǵında qaraqalpaq qıssaxan shayırlarınıń mektebi shólkemlestirildi.