Gúnji

Gúnji maylı eginler arasında maylılıǵı boyınsha birinshi orında turadı. Dáninde 50-60 procent may bar. Onıń mayı awqatqa, medicinada, konserva hám konditer óndirisinde qollanıladı. Kúydirmey preslew arqalı mayın alǵandaǵı qaldıq quramında 8 procent may hám 40 procent belok boladı. Ol konditer sanaatında qollanıladı. Dándi kúydirip mayın alǵannan keyin qalǵan qaldıq mallar ushın juǵımlı azıq bolıp, onıń 100 kilogramı 132 azıq birligine teń keledi. Gúnji Aziya hám Afrika ellerinde áyyemgi waqıtlardan berli egiledi. Házirgi waqıtta gúnji Ózbekstanda, Túrkmenstanda hám Tájikstanda aegiledi. Gúnji suwǵarılmaytuǵın jerlerde 10 - 12 centner, al suwǵarılatuǵın jerlerde 18 - 20 centner ónim beredi.