Batıs Qazaqstan wálayatı

Batıs Qazaqstan wálayatı — Qazaqstannıń arqa-batısında jaylasqan aymaq. Shıǵıs jaqtan Aqtóbe, qublada Atıraw wálayatları menen, batısında Rossiyanıń Astraxan, Volgograd, arqa-batısında Saratov, Samara, arqa tárepinen Orenburg wáalayatları menen shegaralas. Wálayat 1932-jılı 10-martta Oral wálayatı bolıp dúzilgen. 1996-jıldan beri Batis Qazaqstan wálayatı bolıp kelmekte. Maydanı 151,3 min km2, xalqı sanı 614 280 (2012). Ortalıǵı — Oral qalası.