Allaniyaz Óteniyazov

Allaniyaz Óteniyazov
Allaniyaz Óteniyazov
Tuwılǵan sánesi	1936-jıl 1-iyun
Tuwılǵan jeri	Kegeyli rayonı
Qaytıs bolǵan sánesi	2006-jıl 27-yanvar
Qaytıs bolǵan jeri	Tashkent
Milleti	qaraqalpaq
Kásibi	oqıtıwshı, baǵban, qurıwshı
Oqıǵan jeri	Qaraqalpaq mámleketlik pedagogikalıq institutı (házirgi Ájiniyaz atındaǵı Nókis mámleketlik pedagogikalıq institutı)
Iskerlik jılları	1962—2004-jıllar
Sıylıqları	Ózbekstan Qaharmanı (2001), „Mehnat shuhrati“ ordeni (1995)
Ataqları	Qaraqalpaqstan Respublikasında xızmet kórsetken oqıtıwshı (1986), Ózbekstan xalıq oqıtıwshısı (1992)

Allaniyaz Óteniyazov (1936-2006) — Ózbekstan Qaharmanı (2001^[1]), Ózbekstan xalıq oqıtıwshısı (1992), Qaraqalpaqstan Respublikasında xızmet kórsetken oqıtıwshı (1986 ), „Mehnat shuhrati“ ordeni (1995).

Ómiri redaktorlaw

1936-jılı 1-iyun kúni Kegeyli rayonı Qazayaqlı awılda diyqan shańaraǵında dúnyaǵa kelgen. 1949-jılda anası menen dayınıń qasına - házirgi Nókis rayonı Uzınkól awılına kóship keledi. Allaniyaz Nókis qalasındaǵı mektepte oqıp júrgen waqtında úyinde palız eginleri jetistirgen.

Ol 1956-jılı Qaraqalpaq mámleketlik pedagogikalıq institutınıń (házirgi Ájiniyaz atındaǵı Nókis mámleketlik pedagogikalıq institutı) shet tilleri fakulteti inglis tili^[2] baǵdarına oqıwǵa kirip, 1962-jılı pitkeredi.

Studentlik jıllarında paxta terimine qatnasıp, hár jılı 15-16 tonnadan aslam paxta teretuǵın bolǵan. Ol 1962—2002-jılları Nókis rayonındaǵı 4-sanlı mektepte 42 jıl dawamında muǵallim bolıp isleydi.

Allaniyaz Óteniyazov ómirlik joldası menen birge bir ul, eki qızdı tárbiyalap, kámalǵa keltiredi.

Iskerligi redaktorlaw

Pidayı ustaz 1954-jıldan baslap oqıwshılarǵa sabaq ótiw menen bir qatarda qısqı hám jazǵı demalıs waqıtlarında jalǵız baslı, járdemge mútáj 42 dana qariyalarǵa úy-jay qurıp berip, bul miynetleri ushın aqsha almaǵan^[3].

Ómiri dawamında 40 turaq jay, 2 mektep, 30 orınlıq 2 balalar baǵshası, 2 medicinalıq xızmet ornı, 1 kitapxana imaratın óz miyneti arqasında qurıp pitkerip, xalıqqa sawǵa etken. Hámme qurǵan úyleri ushın jeke ózi heshqanday texnikalardıń járdemisiz 860 mıń dana gerbish quyǵan.

1999-jılı Nókis rayonında „Saqawat“ fermer xojalıǵın shólkemlestirip, alma, erik, shabdalı baǵların egedi. Bul baǵlardıń miywelerinen Xojeli rayonındaǵı Mehribanlıq úyi tárbiyalanıwshıları birinshi bolıp paydalanǵan. Xojalıq aymaǵındaǵı jumıssız xalıqtıń bántligin támiyinlegen.[5]2000-jılı 15 gektarlıq maydanǵa baǵ egedi. Odan tısqarı 174 shańaraqtıń úylerin kapital remontlaǵan. Hámme qurǵan úyleri ushın shaxsan ózi hesh qanday texnikalerdiń járdemisiz 860 mıń dana gerbish quyǵan^[4].

Allaniyaz Óteniyazovtıń bunday miynetleri joqarı bahalanıp, oǵan «Ózbekstan selekcionerleri» húrmetli ataǵı, „Mehnat shuhrati“ ordeni menen sıylıqlanǵan. Onıń ómiri hám iygilikli jumısları haqqında 3 film islengen. Allaniyaz Óteniyazovtıń miynetleri dúnyada teńsiz atanıp, „Ginnes rekordları“ kitabına kirgizildi.

Allaniyaz Óteniyazov 2006-jıl 26-yanvarda Tashkent qalasında qaytıs bolǵan.