Tamara Doshumova

Tamara Ǵaniyevna Doshumova (1954.10.3, Nókis) — qosıqshı. Qaraqalpaqstan (1977), Ózbekstan (1980) hám Tatarstan (1981) xalıq artisti. Tashkent mámleketlik teatr hám súwretshilik kórkem-óneri institutınıń drama hám kino aktyorı fakultetin tamamlaǵan (1986). 1968—1996-jılları Berdaq atındaǵı Qaraqalpaqstan mámleketlik filarmoniyasi qasındaǵı "Ayqulash" ansambliniń jeke atqarıwshısı, 1996-jıldan "Ámiw tolqını" ansamblinda qosıqshı bolıp jumıs islegen. Kúshli, nápesi keń, bálent hám jaǵımlı dawısqa iye. Repertuarınan qaraqalpaq xalıq ("Nalıw", "G'ulpaq" hám t.b), Xorezm("Bolmaydı" hám t.b) qosıqları, qaraqalpaq hám de ózbek kompozitorleri dóretpeleri ("Kewil kewilden suw isher", N. Muhammeddinov; "Qosıǵıma óziń qanat bolasań", "Seniń bul dúnyada bar ekeniń", "Yar etpe", X. Turdiqulov; "Besik jırı" M. Jiyemuratov; "Jollarım", M. Ashrafiy hám t.b) orın alǵan. Hamza atındaǵı Ózbekstan Mámleketlik sıylıǵı laureati (1981)^[1].

Derekler