Siyasiy baspana

Siyasiy baspana beriwdin' tiykarg'ı xalıqaralıq huqıqıy aqıbeti bunday baspana berilgen shaxstın' mámleket ta'repinen beriliw minneti esaplanadı.

Siyasiy baspana beriw menen qandayda bir shaxsqa ma'lim bir mámleket aymag'ında turaqlı jasawg'a ruqsat beriwdi parıqlaw lazım. O'ytkeni basqa jag'dayda mámleket hesh qanday xalıqaralıq huqıqıy minnetleme almaydı.

Ko'binese baspana alıwg'a o'z mámleketinde siyasiy jınayatshı esaplang'an shaxs dawager boladı. Bunday jag'dayda ko'p dawlar ju'z beredi. Aymaqlıq baspana haqqındag'ı deklaratsiyada tastıyıqlang'an printsipke muwapıq aqırında usı ma'sele baspana bergen mámleket ta'repinen sheshiledi.

Ulıwma jınayat islegen puqaralarg'a siyasiy baspana berilmesligi haqqındag'ı qag'ıydalar ulıwma moyınlang'an qag'ıyda esaplanadı.

Siyasiy baspana beriwdin' ekinshi xalıqaralıq huqıqı aqıbeti sonnan ibarat, qanday da bir shaxsqa siyasiy baspana bergen mámleket usı shaxstın' huqıqları sırt el ma'mle-ketlerge burılg'an jag'dayda kvazidiplomatiyalıq qorg'anıw huqıqına iye boladı.

Siyasiy baspana beriwdin' u'shinshi aqıbeti qandayda bir shaxsqa baspana bergen mámleket usı shaxstın' ha'reket ushın juwapker boladı. Basqasha so'z benen aytqanda, baspana bergen mámleket bunday shaxslar ta'repinen qashıp shıqqan mámleketke qarata jınayı ha'reketler islewge jol qoymawı sha'rt.

Tikkeley xalıqaralıq huqıq normalar tiykarında shaxstın' baspana huqıqı berilmeydi. Shaxstın' bunday huqıqları ishki mámleket huqıqında o'z sheshimin tabadı. Xalıqaralıq huqıq normaları tek mámleketlerdin' belgili topardag'ı shaxslarg'a baspana beriw huqıqın ha'm basqa mámleketlerdin' usı huqıqtı hu'rmetlew minnetin tastıyıqlaydı. Eger siyasiy emigranttı baspana izlewge ma'jbu'rlegen jag'day saplastırılsa yaki siyasiy emigrant baspana bergen mámlekette naturalizatsiyalansa, siyasiy baspana tamamlanadı.