Salamanka universiteti
Salamanka universiteti - Evropadaǵı áyyemgi universitetlerden biri. 1218-jıl Ispaniyanıń Salamanka qalasında shólkemlestirilgen. Orta ásirler hám oyanıw dáwirinde Bolonya, Parij, Oksford universitetleri qatarında Evropadaǵı iri materiallıq oraylardan biri bolǵan. Bul dáwirde universitette tábiyiy pánler oqıtılǵan, arab mádeniyatı dástúrleri rawajlandırılǵan; Ibn Sina, Ibn Rushd hám basqa belgili ilimpazlardıń dóretpeleri birinshilerden bolıp awdarma etilgen hám sonnan dáslepki enciklopediyalıq baspalar tayarlanǵan. Inkviziciya húkimranlıǵı dáwirinde (XVI ásir) Koperniktiń geliocentrikalıq sisteması oqıtılǵan birden-bir oqıw jurtı bolǵan. Ispaniyanıń ekonomikalıq krizisi múnásibeti menen XVII ásir baslarınan, ásirese, XIX ásirdiń 60-jıllarında Madrid universiteti ispan pániniń orayına aylanǵannan keyin Salamanka universiteti poziciyası páseydi. Universitet filosofiya hám filologiya, huqıq, medicina, tábiyiy pánler boyınsha qániygeler tayarlaydı. 24 mıńǵa jaqın student tálim aladı; kitapxanasında 200 mińnan aslam dóretpe saqlanadı[1].
Derekler redaktorlaw
| Bul maqalada Ózbekstan milliy enciklopediyası (2000-2005) maǵlıwmatlarınan paydalanılǵan. |