Qubla-shıǵısAziya mámleketleri

Qubla-shıǵıs Aziya mámleketleri. Qubla-shıǵıs Aziya subregionı

quramına Hindiqıtay yarım atawı, Malay arxipelagı atawları, Jańa

Gvineyanıń batıs bólimi kiredi. Onıń maydanı 4,5 mln km2

bolıp, ulıwma qurǵaqlıq maydanınıń 3% in iyeleydi. Xalqı sanı 630 mln ǵa jaqın. Yaǵnıy bul subregionda dúnya xalqınıń 8,5% ten kóbiregi jasaydı.

Geografiyalıq jaylasıwı tárepinen Vietnam, Kambodja, Laos, Myanma, Tailand hám Malayziya yarım atawı, Bruney, Indoneziya, Singapur, Filippin hám Shıǵıs Timor bolsa ataw mámleketler bolıp esaplanadı. Bul jerde maydanınıń úlkenligi, xalıq sanı, social-ekonomikalıq rawajlanıw dárejesine qaray bir-birinen parıqlanıwshı 11 mámleket jaylasqan. Olar arasında tek ǵana Laos qurǵaqlıq ishinde jaylasqan mámleket bolǵanlıǵı sebepli tuwrıdan tuwrı teńizge shıǵa almaydı.

Mámleketlerdiń 4 ewi monarxiyalıq basqarıw formasına iye. Administrativlik-aymaqlıq dúzilisine qaray, Malayziya hám Myanma mámleketleri federativ mámleketler bolıp esaplanadı.