Qubataw
Qubataw - Ámiwdáryanıń sol jaǵasında Tashawız qalasınan 50 km arqa tárepte jaylasqan. Ol iyelegen maydanı boyınsha ádewir kishi bolıp, salıstırmalı biyikligi 70-80 metr átirapında.
Qubatawdıń túslik janbawırınıń tikligi 70-80 gradusqa jetedi. Arqa janbawırı tik. Qubataw bir neshe saylar menen tilkimlengenlikten, onıń jer betiniń kórinisi uzaqtan tolqın tárizli, tegis emes bolıp kórinedi. Onıń kópshilik jerlerinde (tawdıń eteginde) allyuvial tegisliklerden samaldıń tásirinde alıp kelingen shógindiler qumlardı payda etken.
Qubataw geografiyalıq keńlik baǵıtındaǵı Sultan Wáyis tawınıń batıs tárepindegi dawamı.
Derek
redaktorlaw- Saypov A., Ataniyazova Q., Esenova I., Dawletbaev A. Qaraqalpaqstan tábiyiy geografiyası páni oqıtıwshılar ushın metodikalıq qollanba. -Nókis, 2022.