Qazaqı aqbas qaramal parodası

Qazaqı aqbas qaramal parodası — gósh baǵdarındaǵı qaramal parodası XX ásirdiń 30-40-jıllarında Qazaqstan hám Rossiya (Orenburg hám Volgograd wálayatları) da Qazaqstan jergilikli hám bólek “qalmaq” qaramal parodasın gereford porodası menen zavod usılında shaǵılıstırıp alınǵan. Poroda retinde 1950-jıl tastıyıqlanǵan. Ózbekstan, Túrkmenstan hám Tájikstanda góshli qaramalshılıq aymaqlarında tarqalǵan. Keskin kontinental ıqlım shárayatlarına jaqsı maslasqan. Jazdıń ıssı, qıstiń suwıq kúnlerinde de jaylaw shárayatında baǵıladı. Túsi qızıl, bası, kókregi, qarnı, ayaqlarınıń hám quyrıǵınıń tómengi bólegi aq. Jazda jún oramı kelte, tegis, jıltırap turadı, qısta júni uzın bolıp ósedi. Dene dúzilisi ortasha, kókregi keń, súyekleri bekkem. Buǵaları salmaǵı 800-900 kg, sıyırlardiki 500-550 kg. Jańa tuwılǵan baspaqlardıń salmaǵı 27-30 kg hám 8 aylıǵında 220-240 kg ǵa baradı. Bul poroda tez ósiwi menen parıqlanadı. Tábiyiy jaylawlarda baǵılǵan baspaqlar 13—18 aylıǵında salmaǵı 450- 470 kg ǵa jetedi.

1957—1960-jıllarda

Qazaqı aqbası qaramal porodası gósh sapasın jaqsılaw maqsetinde sút baǵdarındaǵı zatlar menen shaǵılıstırıladı. Bul poroda sap halda órshitip hám jergilikli qaramallar menen shaǵılıstırıwda paydalanıp kelinbekte. Ózbekstanda násilshilik padaları jaratılǵan. Alınǵan shaǵılıstırıw áwladları Jizzaq wálayatınıń Zomin rayonında, Xorezm wálayatında hám Qaraqalpaqstannıń Aralboyı aymaqlarında baǵıladı.