Qaraqalpaqfilm
«Qaraqalpaqfilm» mámleketlik unitar kárxanası ― hújjetli, kórkem-publicistikalıq hám multifikaciyalıq kinofilmlerdi súwretke alatuǵın kinostudiya.
 | |
| Túri | Kinostudiya |
|---|---|
| Qashan tiykar salınǵan | 1970 19-fevral |
| Baslıqlar | Ikram Abdikalikov |
| Ónim(ler)i | Film |
| Websaytı | https://qaraqalpaqfilm.uz |
Tariyxı
redaktorlaw1970-jılı «Oʻzkinoxronika» kinostudiyasınıń Qaraqalpaqstan filialı bolıp shólkemlestirilgen. Kinostudiyanıń birinshi direktorı belgili shayır, jazıwshı, dramaturg Jolmurza Aymurzaev. Dáslepki rejissyorı bolsa, Satbay Aldanazarov, kinooperatorı Naǵmet Dáwqaraev bolǵan.
1990-jılǵa kelip «Ózbekstan hújjetli hám ilimiy-kópshilik filmler» kinostudiyasınıń Qaraqalpaqstan filialı bazasında «Qaraqalpaqfilm» kinostudiyası dúzildi.
Búgingi kúni
redaktorlaw«Qaraqalpaqfilm» kinostudiyasına 2024-jıl 23-iyuldan baslap Ikram Abdikalikov Erejepbaevich direktor lawazımına tayınlandı.
Kinostudiya tárepinen usı kúnge shekem jámi 500ge jaqın hújjetli, kórkem-publicistikalıq hám multifikaciyalıq kinofilmler súwretke alınǵan.
Jetiskenlikleri
redaktorlaw- 1975-jılı Nókiste hújjetli filmlerdiń respublikalıq festivalı ótkerilip, kinoforumda «Abdullaev shıńı» filmi «Eń jaqsı hújjetli film» diplomın alıwǵa miyasar boldı.
- 1977-jılı Bashqurtstanda, 1981-jılı Tatarstanda, 1984-jılı Daǵıstanda bolıp ótken Qaraqalpaq mádeniyat kúnlerinde kinostudiya óz filmleri menen qatnasıp, «Húrmet jarlıq»ları menen sıylıqlandı.
- 1988-jılı Maxachqalada ótkerilgen III pútkilrossiyalıq filmler tańlawında «Aralqum» hújjetli filmi menen qatnasıp, «Eń jaqsı hújjetli film» diplomı menen sıylıqlandı.
Filmler
redaktorlaw- 1991-jılı ― «Elim degen er edi...» (hújjetli)
- 1998-jılı ― «Ziywar» (hújjetli), rejissyor T. Qálimbetov
- 2014-jılı ― «Ziywardıń shiyrin zibanı» (hújjetli), rejissyor B. Nizamatdinov
- 2024-jılı ― «Ájiniyaz» (kórkem-publicistika), rejissyor Qudrat Atajanov