Qaraqalpaq tiliniń orfografiyalıq sózligi (2020)

«Qaraqalpaq tiliniń orfografiyalıq sózligi» — qaraqalpaq tiliniń latın jazıwına tiykarlanǵan jańa álipbe hám imla qaǵıydalarına sáykes birinshi ret dúzilgen akademiyalıq-orfografiyalıq sózligi. 2020-jılı «Bilim» baspasınan latın alfavitine tiykarlanǵan qaraqalpaq álipbesinde basılıp shıqtı. Házirgi waqıtta (2020-...) qaraqalpaq tilindegi sózlerdi durıs jazıwda usı sózlikten paydalanıladı.

Qaraqalpaq tiliniń orfografiyalıq sózligi
Avtorı	Mádenbay Dáwletov Shamshetdin Abdinazimov
Janr	Orfografiyalıq sózlik
Mámleket	Qaraqalpaqstan
Kitap jazılǵan til	Qaraqalpaq tili
Original baspa jılı	2020
Kórkemlewshi	I. Serjanov
Baspaxana	«Bilim»
Betler sanı	540
ISBN	978-9943-4465-4-0

Sózlik Qaraqalpaqstan Respublikası Ministrler Keńesiniń «Latın jazıwına tiykarlanǵan qaraqalpaq álipbesine basqıshpa-basqısh ótiw» boyınsha Mámleketlik baǵdarlamanı ámelge asırıwǵa muwapıq dúzildi.

Sózlikke házirgi qaraqalpaq ádebiy tilinde ónimli qollanılatuǵın sózler, geypara dialektlik hám gónergen sózler, sonday-aq, ilimiy-texnikalıq, jámiyetlik-siyasiy terminler, jer-suw atamalarınıń sózligi berilgen. Solay bolsa da, sózlik qaraqalpaq tiliniń leksikalıq qorındaǵı barlıq sózlerdiń jazılıwın óz ishine tolıq qamtıy almaydı.

Sózliktiń basındaǵı «Sóz bası»n dúziwshiler jazǵan. Sózliktiń sońına latın jazıwına tiykarlanǵan «Qaraqalpaq tiliniń tiykarǵı orfografiyalıq qaǵıydaları» hám «Qaraqalpaqstan aymaǵındaǵı jer-suw atamalarınıń orfografiyalıq sózligi» qosımsha etilgen.

Sózlikti shıǵarıwda tómendegi insanlar qatnasqan: M. Dáwletov, Sh. Abdinazimov — dúziwshiler, S. Aytmuratova, S. Baynazarov — redaktorlar, I. Serjanov — kórkemlewshi redaktor, B. Turımbetov — texnikalıq redaktor, N. Qayıpbergenov, A. Ataǵullaev — operatorlar. Sózliktiń nusqası — 4200 dana. Kólemi — 33,75 baspa tabaq, 35,2 esap baspa tabaq.

Qarańız

• Imla (qaraqalpaq)

Ádebiyatlar

• Dáwletov M., Abdinazimov Sh. Qaraqalpaq tiliniń orfografiyalıq sózligi. —Nókis, «Bilim», 2020, 540. ISBN 978-9943-4465-4-0