Kamalak

Kamalak balalar shólkemi on jastan on segiz jasqa deyingi oqıwshılardı qálegenlik, áshkaralıq, huqıq hám minnetlemeler teńligi principi tiykarında qábiliyetin hám uqıpın qollap-quwatlawǵa qaratılǵan social joybarlardı ámelge asıratuǵın hám de birlestiretuǵın Ózbekstan jaslar birlespesi qasındaǵı shólkem bolıp tabıladı.

Maqseti

Shólkem iskerliginiń tiykarǵı maqseti — balalardı milliy ideya tiykarında watannıń sadıq perzentleri hám kámal insan etip tárbiyalaw, olardıń huqıq -máplerin ańlatıw hám qorǵaw, uqıp hám qábiletlerin inam etiwleri hám de rawajlandırıwları ushın shárt-shárayatlar jaratıp beriwden ibarat esaplanadi.

Iskerligi

Shólkem óz iskerligin Ózbekstan Respublikası Konstitusiyası hám nızamları, „Bala huqıqları tuwrısındaǵı konvensiya“, Ózbekstan jaslar birlespesiniń Ustavi hám de shólkemdiń qaǵıydası tiykarında ámelge asıradı. Shólkem Qaraqalpaqstan Respublikası, barlıq wálayatlar, Tashkent qalalarda óziniń strukturalarına iye esaplanadı.

Uranı

Shólkemniń bas uranı : „Watan, doslıq hám baxıtlı balalıq ushın.

Xalıq aralıq sheriklik

„Kamalak“ balalar shólkeminiń aktiv aǵzaları 26-5-iyun kúnleri Kirgizstan Respublikasında bolǵan „Óz ara doslıq balaları“ xalıq aralıq mádeniy-aǵartıwshılıq forumında qatnasqan . Shólkemniń belsendi aǵzaları Belorussiyada jaylasqan „Zubryonok“ balalar dem alıw ornıına kelgen[4]. „Kamalak“dıń „Teńles teńleske“ principi tiykarında ámelge asırılǵan joybarı xalıq aralıq maydanda ámelge asırilatuǵın boldı.

Joybarları

Anjuman

„Kamalak" balalar shólkeminiń hár jılı „Watan, doslıq hám baxıtlı balalıq ushın“ uranı astındaǵı dástúriy anjumanı ótkeriledi. Anjuman sheńberinde „Jıl sárdari“ kórik tańlawı, „Eń úlgili aymaqlıq sárdarlar keńesi“ hám „Kamalak bilimdanı“ sıyaqlı tańlawlardıń Respublika basqıshları bolıp ótedi.

Balalar ligası

Birge islesiwshi shólkemler menen birgelikte balalar futbolın rawajlandırıw, olar ortasında saw turmıs tárizin rawajlantırıwda „Balalar ligasi“ sport jarısı ótkeriledi.

A'lo ta'til

„Kamalak“ balalar shólkemi tárepinen Sárdarlar hám qábiliyetli balalar qatnasıwında " A'lo ta'til" balalar dem alıw ornı ótkeriledi. Joybarda qatnasıwshılar ushın sport jarısları, mádeniy ilajlar, maman qánigeler tárepinen seminar -treningler shólkemlestiriledi. Bul joybar Bostanlıq rayonındaǵı „Jaslar“ dem alıw ornıında hár jılı shólkemlestiriledi.[8].

Respublika Sárdarlar forumı

Respublika Sárdarlar forumı Sárdarlar Keńesi aǵzaları iskerligin sistemalı shólkemlestiriw, olar arasında ekologiyalıq mádeniyattı qáliplestiriw, tábiyattı saqlap -abaylawģa qaratılǵan islerdi rawajlandırıw maqsetinde ótkeriledi. II Respublika Sárdarlar forumı Buxara qalasında shólkemlestirilgen. Forum dawamında “Kamalak” balalar shólkeminiń VIII Rayasat jıynalısı, respublika Sárdarlar saylawı, “Munazara” intellektuallıq oyını, “Oq jayda qonaqda” hám de “Ekopatrul” joybarları, “Taza aymaq” hám “Tereklerdi háwes penen egemiz” aksiyaları shólkemlestiriledi [9].

Eń úlgili Sárdarlar Keńesi

Ózbekstan jaslar awqamı jáne onıń qasındaǵı “Kamalak” balalar shólkemi hám de Sárdarlar Keńesiniń iskerligi natiyjeliligin asırıw, ulıwma orta bilim beriw mektepleti, rayon (qala ), Qaraqalpaqstan Respublikası, wálayatlar hám Tashkent qala Sárdarlar Keńesi aǵzalarınıń óz-ara doslasıwı hám tájiriybe almaslawı nátiyjesinde olardıń sociallıq belsendiliginligin asırıw, Sárdarlar Keńesi aǵzalarınıń iskerligin qollap-quwatlaw, olarda jaslar menen islew kónlikpeleri, dóretiwshilik hám intellektuallıq qábiletin rawajlandırıw, Sárdarlar Keńesi aǵzalarında jetekshilik hám baslamashılıq qábiletleri, erisken jetiskenlikleri hám aldıńǵı tájiriybelerin ǵalabalastırıw maqsetinde hár jılı „Eń úlgili Sárdarlar Keńesi“ kórik-tańlawı shólkemlestiriledi.