Kamal Mámbetov

Kamal Mambetov (1940 -jıl 14-may, Kegeyli rayonı — 2001-jıl 10 -sentyabr, Nókis) — Qaraqalpaq xalıq jazıwshısı (1995), Qaraqalpaqstanda xızmet kórsetken pán ǵayratkeri (1990 ), Berdaq atındaǵı Qaraqalpaqstan mámleketlik sıylıǵınıń laureatı (1991), filologiya pánleri doktorı (1985), professor (1990 ).

Kamal Mámbetov
Tuwılǵan sánesi	14-may 1940-jılı(1940-05-14)
Tuwılǵan jeri	Kegeyli rayonı
Qaytıs bolǵan sánesi	10-sentyabr 2001-jılı(2001-09-10) (61 jasta)
Qaytıs bolǵan jeri	Nókis
Puqaralıǵı	Ózbekstan
Milleti	qaraqalpaq
Oqıǵan jeri	Tashkent mámleketlik universiteti
Dóretiwshilik jılları	1963—2001-jılları
Sıylıqları	Qaraqalpaqstanda xızmet kórsetken pán ǵayratkeri (1990 ) Berdaq atındaǵı Qaraqalpaqstan Mámleket sıylıǵınıń laureatı (1991) Qaraqalpaq xalıq jazıwshısı (1995)

Ómiri

Kamal Mámbetov 1940-jılı 14-mayda házirgi Kegeyli rayonınıń Máteke Jumanazarov atındaǵı fermerler birlespesinde tuwılǵan.

Iskerligi

Tashkent mámleketlik universitetiniń filologiya fakulteti jurnalistika bólimin tamamlaǵan (1963). "Erkin Qaraqalpaqstan" gazetasında redaktor (1963—64), Universitet qaraqalpaq ádebiyatı kafedrası basqarıwshısı (1976—81), filologiya fakulteti dekanı (1984—86), universitet rektori (1986—88), kafedra basqarıwshısı (1988-jıldan), Qaraqalpaqstan Respublikası Joqarǵı Keńesi social rawajlanıw, pán hám mádeniyat komiteti baslıǵı (1995—96). Jazıwshınıń ilimiy jumısı qaraqalpaq ádebiyatı tariyxı, qáliplesiw basqıshları óz-ara tásir hám kórkem ádebiyatqa baylanıslı máselelerine, sonıń menen birge, ádebiyat tariyxı mashqalalarına baǵıshlanǵan. Sabaqlıq hám qóllanbalar jazǵan ("Áyyemgi qaraqalpaq ádebiyati", 1991; "Ádebiyat teoriyası", 1995; Latın grafikası tiykarında qaraqalpaq ádebiyatı, 2000).

Ilimiy miynetleri

"Áyyemgi qaraqalpaq ádebiyatı" (1976), "Folklor hám jazba ádebiyat" (1978), "Каракалпакская литература XIV-XVIII веков" (1980), "Erte dáwirdiń ádebiy estelikleri" (1986), "Nawayı hám qaraqalpaq ádebiyatı" (1991), "Ózbek hám qaraqalpaq ádebiy baylanısları" (1992), "Erte dáwirdegi qaraqalpaq ádebiyatı" (1992), "Shıǵıs ádebiyatı tariyxı" (1993), "Ájiniyaz" (ilimiy ocherk) (1994), "Qaraqalpaq tolǵawları" (1995), "Ádebiyat teoriyası" (1995) miynetleri jarıq kórdi.

Prozalıq shıǵarmaları

"Gójek" (1964), "Tırnalar" (gúrrińler jıynaǵı) (1975), "Men onı súyer edim" (povest) (1982), "Bozataw" (roman hám povestler) (1986), "Posqan yel" (roman) (1988), "Hújdan" (roman) (1991), "Sayaxatnama" (jol ocherkleri) (1993), "Túrkstan" (roman) (1993), "Muhabbat hа'm ájel" (povestler) (1995), "Xalıq perzenti" (M.Jumanazarov haqqında ocherk) (1996) sıyaqlı kórkem dóretpeleri qaraqalpaq ádebiyatınıń rawajlanıwında belgili orınǵa iye.

Sıylıqları

• Qaraqalpaqstanda xızmet kórsetken pán ǵayratkeri (1990 )
• Berdaq atındaǵı Qaraqalpaqstan Mámleket sıylıǵınıń laureatı (1991)
• Qaraqalpaq xalıq jazıwshısı (1995)