Javohir Sindarov

Javohir Sindarov (Sindarov Javohir; 2005-jıl 8-dekabr, Tashkent, Ózbekstanda tuwılǵan)^[1]^[2] — ózbekistanlı shaxmatshı. Shaxmat boyınsha Ózbekstan chempionatınıń bronza medalı jeńimpazı (2018-jıl). Ózbekstan chempionı (2019-jıl).Ol 2018-jıldıń oktabr ayında 12 jas 10 ay 5 kúnliginde grossmeyster ataǵına iye bolǵan. Sportshı usı nátiyjesi menen dúnyadaǵı eń jas ekinshi grossmeyster sıpatında ózin tariyxqa jazıp qoyıwǵa erisken. Hindstannıń Chennay qalasında ótkizilgen 44-shaxmat Olimpiadası jeńimpazı. Ózbekstan maqtanıshı medalı iyesi^[3].

Iskerligi redaktorlaw

Javohir 2017-jıldıń oktyabr ayında xalıqaralıq usta ataǵın qolǵa kiritedi. Ol 2018-jıl iyun ayında Alexander Alekhine húrmetine baǵıshlap ótkerilgen shaxmat turniri Alekhine Memorialinede óziniń dáslepki grossmeyster (GM) dárejesine erisken. Sportshı sol jıldıń sentyabr ayında ótkerilgen shaxmat boyınsha óspirimler ortasındaǵı jáhán chempionatında ekinshi orındı qolǵa kiritip, xalıqaralıq reytingin 2500 ballǵa shekem asırıwǵa erisedi.

2018-jıl oktabr ayında ol 1992-jıldan beri hár ay Vengriya paytaxtı Budapesht qalasında ótkiziletuǵın First Saturday turnirinde úshinshi GM ataǵın qolǵa kiritti hám sol waqıtta tariyxtaǵı ekinshi eń jas grossmeysterǵa aylandı. Sportshıǵa usı ataq FIDE tárepinen 2019-jıldıń mart ayında rásmiy usınıs etilgen. Ol 2018-jılda Shaxmat boyınsha Ózbekstan chempionatında bronza medalın, 2019-jılda chempionlıqtı qolǵa kiritken^[4].

Javohir Sindarov shaxmat boyınsha 2021-jılǵı jáhán chempionatına jollanbanı qolǵa kiritken. Usı turnirde 121-orındı, ekinshi aylanıwda 8-orında ketip baratırǵan Alireza Firouzjanı tay-brekte jeńedi. Biraq, tórtinshi aylanıwda Kacper Piorun tárepinen jeńiliske ushıraydı hám jarıstı 1/32 finaldıń ózinde-aq juwmaqlawǵa májbúr boladı^[5]^[6].