Jaslar isleri agentligi
Ózbekstan Respublikası Jaslar siyasatı hám sport ministrligi qasındaǵı Jaslar isleri agentligi — jaslar menen baylanıslı mashqalalardı sheshiw, qábiletli jaslardı xoshametlew menen shuǵıllanatuǵın agentlik.
| Jaslar isleri agentligi | |
|---|---|
ózbekshe Yoshlar ishlari agentligi | |
 Jaslar isleri agentligi nıshanı | |
 Jaslar isleri agentligi imaratı | |
| Túri | Mámleketlik basqarıw uyımı |
| Tiykar salınǵan |
2020-jıl 30-iyun 1918-1991 — Pútkil awqam Leninshi Kommunistlik Jaslar Awqamı 1991-1996 — Ózbekstan jaslar awqamı 1996-2017 — Kamolot 2017-2020 — Ózbekstan jaslar awqamı |
| Jaylasqan ornı | Tashkent, Nawayı kóshesi, 11-úy |
| Iskerlik aymaǵı |
 Ózbekstan |
| Direktor | Alisher Sadullayev |
| Til(ler)i | ózbek, rus |
| Websaytı | yoshlar.gov.uz |
 | |
Táriyxı redaktorlaw
1918-jılda Pútkil awqam Leninshi Kommunistlik Jaslar awqamı ÓzSSR mákemesi sıpatında shólkemlestirilgen.
1991-jılda Ózbekstan jaslar awqamına aylandırılǵan.
1996-jılda "Kamolot" jaslar sociallıq háreketi bolıp iskerligin baslaǵan.
2017-jılda jáne Ózbekstan jaslar awqamına aylandırılǵan.
Ózbekstan Respublikası Prezidenti Shavkat Mirziyoyevtıń 2020-jıl 30-iyundaǵı PF-6017-sanlı pármanı menen agentlik sıpatında qaytadan shólkemlestirildi.
2022-jıl 30-dekabrda Jaslar isleri agentligi Ózbekstan Respublikası sport ministrligi menen birlestirilip, Ózbekstan Respublikası Jaslar siyasatı hám sport ministrligi shólkemlestirildi.
Wazıypası redaktorlaw
Jaslar isleri agentliginiń wazıypaları Ózbekstan Respublikası Prezidentiniń pármanına[1] muwapıq belgilenip, olar tómendegilerden ibarat:
- jaslar menen baylanıslı taraw hám jónelislerde jalǵız mámleketlik siyasatı, strategiyalıq jónelisler hám mámleketlik dástúrlerin islep shıǵıw hám onı ámelge asırıw;
- mámlekette jaslardı qollap-quwwatlaw, olardıń nızamlı túrdegi huqıq hám máplerin qorǵawǵa qaratılǵan normativ-huqıqıy hújjetlerin qáliplestiriw boyınsha usınıslar tayarlaw;
- jaslar siyasatı tarawındaǵı nızam hújjetlerine ámel etiliwi boyınsha mámleketlik baqlawdı ámelge asırıw;
- jaslardı Watanǵa sadıqlıq, milliy hám ulıwmainsanıylıq úrp-ádetlerge húrmet ruwxında tárbiyalaw, ósip kiyatırǵan jas áwladtı ilim-pán hám innovaciyalarǵa keń túrde tartıw, olardı „Milliy tikleniwdan — milliy rawajlanıwǵa qaray! “ ideyası átirapında birlestiriwge qaratılǵan ilajlardı belgilew;
- jaslardıń huqıq hám erkinlikleri, nızamlı máplerin qorǵaw, jaslar ortasında huqıqbuzarlıqlar hám jınayatshılıq profilaktikasın ámelge asırıwda belsene qatnasıw;
- jaslarǵa tiyisli mámleketlik siyasattı ámelge asırıw procesinde mámleketlik emes kommerciyalıq bolmaǵan shólkemler hám puqaralıq jámiyetiniń basqa institutları menen nátiyjeli birge islesiw;
- jaslarǵa tiyisli programmalar, joybarlar hám ilimiy-izertlew jumısların finanslıq támiynlew ushın sociallıq buyırtpa formasında ajratılatuǵın mámleket grantlardı hám subsidiyalardı bólistiriw, olardan maqsetli hám nátiyjeli paydalanıwdı támiyinlew;
- tárbiya mákemelerin oqıp pitkergen jetim hám ata-anasınıń qaramaǵınan ayırılǵan jaslardıń sociallıq-huqıqıy qorǵalıwın shólkemlestiriw hám bántligin támiyinlew;
- intalı jaslardı shet eldegi joqarı tálim mákemelerine tálim alıw ushın jiberiw, xalıqaralıq tańlawlarda qatnasıwın támiyinlew, jetkinshekti mádeniyat, kórkem óner, dene tárbiya hám sport tarawlarına keń túrde qosıw, olardıń informaciya texnologiyaları boyınsha sawatlılıǵın asırıw, jaslar ortasında kıtapqumarlıqtı en jaydırıw, hayal-qızlardıń bántligin támiyinlew wazıypaların qamtıp alǵan bes áhmiyetli usınıstı keń túrde engiziwge qaratılǵan jumıslardı muwapıqlastırıw, olardıń intellektuallıq potencialı hám uqıplılıqların rawajlandırıw;
- jaslardı kishi biznes hám jeke isbilermenler qatarına qosıw, zamanagóy kásip-ónerler, cifrlı ekonomika kónlikpelerin puqta iyelewleri ushın qosımsha shárt-shárayatlar jaratıw, olardı jumıs menen támiyinlew proceslerine kómeklesiw;
- jaslar siyasatı tarawında xalıqaralıq birge islesiwdi rawajlandırıw, jaslar ortasındaǵı xalıqaralıq reytinglerdegi mámleket poziciyasın asırıw boyınsha zárúrli ilajlar kóriw, shet elde bilim alıp atırǵan jaslar menen birge orınlanatuǵın jumıslardı sistemalı jolǵa qoyıw;
- jaslardıń iskerligi menen baylanıslı bolǵan tarawlarǵa shet el investiciyaların hám jańa texnologiyalardı kirgiziw boyınsha ministrlik hám shólkemler menen birgelikte xalıqaralıq finans institutları, donor-mámleketler hám de shet el shólkemleri menen birge islesiwdi rawajlandırıw .
Sonday-aq, Ózbekstan Respublikası Prezidentiniń 2020-jıl 30-iyundaǵı „Ózbekstan Respublikası Jaslar isleri agentliginiń iskerligin shólkemlestiriw haqqında“ǵı PQ-4768-sanlı qararı[2] qabıl etilip, agentliktiń shólkemlestiriwshilik strukturası tastıyıqlandı.
Basqarıw quramı redaktorlaw
- Alisher Sadullayev — Ózbekstan Respublikası Jaslar isleri agentliginiń direktorı. Ol Ózbekstan Respublikası Prezidentiniń 2020-jıl 10-iyuldaǵı PQ-4780-sanlı qararı[3] menen bul lawazımǵa tayınlanǵan[4];
- Jamshid Baxtiyarovich Xodjayev —Ózbekstan Respublikası Jaslar isleri agentligi direktorınıń birinshi orınbasarı.
- Dilnazaxon Sobir qızı Kattaxanova — Ózbekstan Respublikası Jaslar isleri agentligi direktorınıń orınbasarı[5].
- Feruz Karimovich Ablayarov — Jaslar isleri agentligi direktorınıń orınbasarı.
- Nodir Abduqayumovich Abduqodirov — Jaslar isleri agentligi direktorınıń orınbasarı.
- Mehrinoz Nosirjon qızı Abbosova — Ózbekstan Respublikası Jaslar isleri agentligi oraylıq apparatı Mámleketlik tili máseleleri boyınsha máslahátshisi.
- Abdulaziz Majid ulı Mo‘minov — Kadrlar bóliminiń baslıǵı.
- Sabir Ibragimovich Abdunazarov — Xabar-analiz hám atqarıwdı qadaǵalaw bóliminiń baslıǵı.
- Ixtiyar Ismat ulı Ziyadilloyev — Jumıslar bóliminiń baslıǵı.
- Akmalbek Abdumajidovich Alimov — Jaslardı áskeriy-watanpárwarlıq ruwxında tárbiyalaw, olardıń huqıqıy sawatlılıǵın asırıw bóliminiń baslıǵı.
- Umidulla Ulashovich Sattarov — Tálim mákemelerinde jaslar menen islew hám volontyorlıq iskerligin rawajlandırıw bóliminiń baslıǵı.
- Javohirbek Nozimjon ulı Shamsutdinov — Fizikalıq hám yuridikalıq shaxslardıń múrájáátleri menen islesiw bóliminiń baslıǵı.
- Akmal Nutfullayevich Xalikov — Yuridikalıq byuro baslıǵı.
- Sherzad Muradullayevich Olimov — Bes áhmiyetli usınıs joybarların muwapıqlastırıw bóliminiń baslıǵı[6].
Derekler redaktorlaw
- ↑ Oʻzbekiston Respublikasida yoshlarga oid davlat siyosatini tubdan isloh qilish va yangi bosqichga olib chiqish chora-tadbirlari toʻgʻrisidagi PF-6017-son farmon
- ↑ „Oʻzbekiston Respublikasi yoshlar ishlari agentligi faoliyatini tashkil etish toʻgʻrisida“gi PQ-4768-son qarori
- ↑ A.Z.Saʼdullayevni Oʻzbekiston Respublikasi yoshlar ishlari agentligi direktori lavozimiga tayinlash toʻgʻrisida, 2020-07-16da túp nusqadan arxivlendi, qaraldı: 2020-07-17
- ↑ Oʻzbekiston Respublikasi Yoshlar ishlari agentligi direktorining oʻrinbosarlarini lavozimlarga tayinlash toʻgʻrisida, 2020-07-17da túp nusqadan arxivlendi, qaraldı: 2020-07-17
- ↑ Oʻzbekiston Respublikasi Yoshlar ishlari agentligi direktorining oʻrinbosarlarini lavozimlarga tayinlash toʻgʻrisida, 2020-07-17da túp nusqadan arxivlendi, qaraldı: 2020-07-17
- ↑ „Markaziy apparat“.