Jaslıq (qala)

Jaslıq — Qaraqalpaqstan Respublikasınıń Qońirat rayonında jaylasqan qalasha. (1975 jıldan). Xalqi 4,1 miń adam (2000), qaraqalpaq, ózbek, qazaq, rus, tatar, túrkmen hám basqa millet wákilleri jasaydı. Temir jol stanciyası bar. Jaslıqta «Tuley» gaz kompressor stanciyası, lokomotiv deposı, temir joldı ońlaw kárxanası bar. Jaslıq arqalı jolawshı tasıwshı xalqaralıq poezdlar qatnaydı. Ulıwma bilim beriw mektebi, klub, mádeniy sport kompleksi, kitapxana, emlewxana, darixanalar bar.