Italiyada turizm
Italiyada turizm–Italiya ekonomikasınıń jetekshi tarmaqlarınıń biri. Italiya milliy statistika institutinıń maǵlıwmat beriwinshe, 2019-jılda Italiyaǵa 65 million sayaxatshı kelgen. Bul dúnyadaǵı eń kóp sayaxat etiletuǵın 5 mámlekettiń biri. Italiya bankiniń 2018-jıldaǵı maǵlıwmatlarına qaraǵanda, turizm tarawı Italiya JIÓniń 5% úlesin quraydı.[4] .
_-_panoramio.jpg)
Házirgi waqıtta Italiyaǵa sayaxatshılardıń qızıǵıwına mádeniyat, asxana, arxitektura, kórkem-óner, diniy orınlar, suw ústindegi qala hámkurortlar sebep bolmaqta. Alp hám Apennin tawlarında qısqı hám jazǵı turizm, Ortajer teńizi qırǵaqlarında bolsa teńiz turizmi rawajlanǵan,[5]. Rim 2017-jılda 9,4 million sayaxatshı kelgeni menen, Evropada 3-orındı, dúnyada bolsa 12-orındı iyeledi. Milan bolsa 6,8 million sayaxatshı menen dúnya reytinginiń 27-orının iyelegen. Bunnan tısqarı Veneciya hám Florensiya qalaları dúnyadaǵı eń jaqsı 10 mánzil dizimine kiritilgen. Sonıń menen birge, Italiya dúnyada YUNESKOnıń mádeniy miyras obyektleriniń sanı eń kóp bolǵan mámleket[6]. Rim imperiyasi dáwirinde, orta asirlerde hám Renessansta Italiyadaǵı kóplep estelikler qurılǵan[7]. Mámlekette 4 mıńnan artıq muzeyler, 85 mıń tariyxiy shirkewler hám 40 mıń tariyxiy estelikler bar. Barlıq obyektler Italiya Mádeniyat ministirligi qaramaǵına alınǵan[7][8].
Italiyada 1 den 5 julduzǵa shekem miymanxanalar bar. Italiya milliy statistika instituti esap-kitabınsha, 2017-jılda 32988 miymanxanalar iskerligin alıp barmaqta[9][10].
Tariyxı redaktorlaw
Dáslepki saparlar redaktorlaw
Adamlar Italiyaǵa túrli asirlerde kelip turǵan. Biraq, áyne turistik baǵdarda17-asirden aristokratlar baslap bergen[11]. Rim qalası asirler dawamında Ullı Britaniya, Arqa Afrika, Batıs Aziyalıq adamlardıń itibarına túsip kelgen. Sawdagerler de Italiyanı sawda islew ushın eń jaqsı orın dep bilgen. Eramızdıń 476-jılı Batıs Rim imperiyası qulaǵanda, Rim qalası endi Evropanıń sıyasıy hám mádeniy orayı bolmay qalǵan edi. Sonday bolsa da , Rim qalasına sayaxatshılardıń aǵımı toqtap qalmadı, olar Rimge áyyemgi ibadatxanalardı, shirkewlerdi hám soǵan uqsas imáratlardı kóriwge keler edi. Bul dúnyadaǵı dáslepki „diniy turizm“nıń baslanıwı edi. Renessans dáwiriniń eń gúllegen waqtında yaǵnıy 16-17-asirlerde Italiya arxitekturasın úyreniw ushın sayaxatsgılar kele basladı. Buǵan Inigo Jonstı mısal etip keltiriw múmkin.
Derekler redaktorlaw
- ↑ „Top 10 most Beautiful Cities in the World 2017“ (28-iyul 2016-jıl).
- ↑ „Top 10 most Beautiful Cities in the World 2018“ (2-sentyabr 2018-jıl).
- ↑ "Milan Attractions". The New York Times. http://travel.nytimes.com/travel/guides/europe/italy/milan/25103/duomo/attraction-detail.html.
- ↑ „The weight of tourism in Italy, the characteristics of the demand and the accommodation capacity“ (11-dekabr 2018-jıl).
- ↑ „VACANZE IN MONTAGNA IN ITALIA: IN INVERNO E IN ESTATE“ (it) (30-iyul 2017-jıl). Qaraldı: 1-yanvar 2022-jıl.
- ↑ „The World Heritage Convention“. UNESCO. 27-avgust 2016-jılda túp nusqadan arxivlendi. Qaraldı: 1-avgust 2021-jıl.
- ↑ 7,0 7,1 „Viaggiare in Italia: giro turistico“ (it). Qaraldı: 31-dekabr 2021-jıl.
- ↑ „L'Italia possiede un patrimonio culturale e ambientale unico al mondo.“ (it) (10-oktyabr 2017-jıl). Qaraldı: 27-dekabr 2021-jıl.
- ↑ „Turismo: 91% viaggiatori soddisfatti mete culturali Italia“ (21-mart 2019-jıl). Qaraldı: 26-iyul 2019-jıl.
- ↑ „Turismo in Italia nel 2018 – Movimento dei clienti e capacità degli esercizi ricettivi“. istat.it. Qaraldı: 18-iyul 2019-jıl.
- ↑ „Grand Tour“ (it). Qaraldı: 6-may 2022-jıl.
Siltewler redaktorlaw
 |
Wikiqoymada Italiyada turizm haqqında kategoriya bar |