Fernando de Magallanes
nobaý|oñğa|Ferdinand Magellan Ferdinand Magellan (1480 – aprel 27, 1521); (portugalsha: Fernão de Magalhães; ispansha: Fernando de Magallanes) portugaliyalıq teńiz sayaxatshısı, keyinshelik Ispaniya ushında xızmet etken. Portugaliya ushın islegen waqtında Hindistan, Spice atawları, Batıs Afrika hám Morokko sıyaqlı dúnyanıń túrli jerlerine sayaxat qılǵan.
| Tuwılǵan sánesi | 1480 |
|---|---|
| Qaytıs bolǵan sánesi | 27-aprel 1521 |
Ol keyinshelik Tınısh okeanına júzgen birinshi evropalı hámde dúnya júzin júzip sayaxat qılǵan birinshi adam bolǵan. Jánede ol Magellan buǵazın birinshi kesip ótken esaplanadı, sonıń ushın buǵazǵa onıń atı berilgen. Magellan Evropaǵa qaytıwınan aldın Filipinda óltirilgen. Sayaxatta tiri qalǵan onıń 18 adamı Xuan Sebastiyan del Kano basshılıǵında 1522-jılı Ispaniyaǵa qaytıp keledi. Bul keme dúnya júzin júzip sayaxat qılǵan birinshi keme esaplanǵan. Keme aǵzalarınıń biri Henry, Magellan onı birinshi sayaxatına Malay tili awdarmashısı sıpatında alıp ketken, úyine qaytıp kelgende dúnya júzin júzip sayaxat qılıwdıń jolın biletuǵın birinshi adam esaplanar edi.