Farmaciya

Farmaciya (grekshe pharmakeia — dári; dári isletiw) — dári ónimleri hám medicinalıq buyımlar jaratıw boyınsha izertlewler, sonıń menen birge, olardı islep shıǵarıw, tayarlaw, sapasın baqlaw, standartlaw usılları, mámleket diziminen ótkeriw, saqlaw, olar haqqında informaciya beriw, dárixana hám emlew mákemelerine jetkiziw hám satıw sıyaqlı wazıypalardı óz ishine alatuǵın ilimiy-ámeliy xızmetler kompleksi. XVIII-ásirge kelip F. pán retinde qáliplesti. F. farmakologiya menen birge dárilik elementler haqqındaǵı pándi quraydı. F. ǵa farmacevtik ximiya, dári túrleri hám dárilik preparatlar texnologiyası, farmakognoziya, F. nı shólkemlestiriw jáne onıń ekonomikalıq, sud ximiyası sıyaqlı qánigelik pánleri kiredi. Dárilerdiń tásiri, dári túrleri, olardı qabıllaw usılları, tayarlaw texnologiyası hám basqa faktorlar tásirin F. nıń biofarmaciya baǵdarı úyrenedi.

Derekler

ÓzME, Birinshi tom, Tashkent, 2000-jıl