Baxtiyar Genjemuratov

Baxtiyar Genjemuratov — 1959-jılı 11-mayda Taxtakópir rayonında tuwılǵan. 1976-jılı orta mektepti tamamlap, rayonlıq gazetada isleydi. 1978-80-jılları áskeriy xızmette boladı. Ol 1980-jılı Nókis mámleketlik universitetiniń filologiya fakultetine oqıwǵa kiredi hám "Nókis universiteti" gazetasınıń juwaplı xatkeri bolıp isleydi. 1985-jılı universitetin pitkerip, 1993-jılǵa shekem «Ámiwdárya» jurnalında ádebiy sın hám mádeniyat bóliminiń baslıǵı, juwaplı xatkeri, Qaraqalpaqstan Jazıwshılar awqamında peziya boyınsha málahátshi, baslıqtıń orınbasarı, juwaplı xatker lawazımlarında isleydi. 1993-jılları Berdaq atındaǵı qaraqalpaq mámleketlik universitetiniń aspiranturasında oqıydı hám 1996-jılı «Ájiniyaz lirikasıniń poetikası» degen temada kandidatlıq dissertaciyasın qorǵaydı. B.Genjemuratov 1996-2006-jıllar aralıǵında filologiya fakultetinde oqıtıwshı, kafedra baslıǵı, jurnalistika bóliminiń baslıǵı, Berdaq atındaǵı milliy muzeyinde tariyx hám arxeologiya bóliminiń baslıǵı lawazımlarında isleydi. 2006-jıldan kofedra docenti bolıp islep atır. Ol Qaraqalpaqstan Jaslar awqamı sıylıǵınıń (1991) hám Ózbekstan Jazıwshılar awqamı sıylıǵınıń (2001) laureatı. 2006-jılı «Shuxrat» medalı menen, eń jaqsı qosıqları ushın Xorezm Mamun akademiyası, Ózbekstan Jazıwshılar awqamı hám Xorezm wálayatı hákimligi tárepinen sıylıqlandı. B.Genjemuratov 2007-jılı Qazaqstannıń Aqtaw qalasında ótkerilgen shayırlar tańlawıniń laureatı boldı. 2017-jılı «Ózbekstan Respublikasına miyneti sińgen mádeniyat xızmetkeri» ataģına iye boldı.

Genjemuratov Baxtıyar Allambergenovich
Tuwılǵan sáne	11-may 1959(1959-05-11) (65 jasta)
Tuwılǵan jeri	Taxtakópir rayonı
Dóretiwshilik túri	poeziya
Qostarı	Sere Seytova
Perzentleri	Aybarısxan Genjemuratov (ulı) Yaqıpbek Genjemuratov (ulı)
Ataqları	«Ózbekstan Respublikasına miyneti sińgen mádeniyat xızmetkeri» (2017)
Sıylıqları	«Shuxrat» medalı (2006)