9-yanvar
| ← Yanvar → | ||||||
| Dú | Si | Sá | Pi | Ju | She | Ek |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | ||||
| 2024-jıl | ||||||
Bul sánedegi waqıyalar redaktorlaw
Búgin Serbiya mámleketinde Respublika kúni bayramlanbaqta. Serbiya Evropanıń qubla-shıǵısında, Balkan yarım atawlarında jaylasqan mámleket.
Al Yaponiyada 9-yanvar «Ebisu» dep atalǵan bayram belgilenbekte. Bul bayram yaponiyalılardıń milliy bayramı bolıp tabıladı. Bayram yaponiyada 3 kún dawam etedi.
Sonday-aq búgin Yaponiyanıń Tokio qalasındaǵı eń biyik minaraǵa «Tokio aspan teregi» (Tokyo Sky Tree) degen atama berilgen kún. Ginnestiń rekordlar kitabı ekspertleri tárepinen dúnyadaǵı eń biyik teleminara dep tán alınǵan. Onıń biyikligi 634 metr.
Búgin Túrkmenistanda Eske alıw kúni belgilenbekte.
Al Rossida búgin prokuratura xızmetkerleri kúni bayramlanbaqta.
9-yanvar Hindistanda Jaslar kúni bayramlanbaqta. Bul kún 1985-jıldan baslap bayramlanbaqta.
Búgin Jizzax wálayatındaǵı Mırzashól rayonı shólkemlestirilgen kún. Bul rayon 1967-jılı 9-yanvarda dúzilgen.
Dúnyaǵa belgili Chex (Chexiya) jazıwshısı Karel Chapektiń tuwılǵan kúni. Ol 1890-jılı 9-yanvarda tuwılǵan. Maǵlıwmat ornında sonı atap ótiw orınlı ol dúnyada birinshi márte «Robot» sózin oylap tapqan jazıwshı. Fantastikalıq shıǵarmalarınıń birinde usı sózdi qollanǵan.
1932-jılı 9-yanvarda arxeolog Alfonso Kaso (1896-1970) Meksikadaǵı áyyemgi maqbaralardıń birinde 800 jıl dawamında tawılmaǵan úlken bay ǵáziyneni taptı. Bunda 500 ge jaqın qımbat bahalı buyımlar qazıp alınǵan.
1811-jılı 9-yanvarda dúnyada birinshi ret golf boyınsha hayal-qızlar arasında turnir bolıp ótti.
1914-jılı 9-yanvarda dúnyada birinshi ret avtotransportlar konveyer usılı menen islep shıǵarıldı.
1929-jılı Rossiyada Moskva wálayatı shólkemlestirildi.