Kabisa jılı

Kabisa jılı (arabsha: tolıq) — ápiwayı jıldan bir kún (fevral ayında) artıq bolǵan kalendar yılı. Bunda 4 ke qaldıqsız bólinetuǵın jıl Kabisa jılı (tek eki nol menen tamamlanıp, 400 ge bólinbeytuǵın jıl bunnan tısqarı. Mısalı: 1800, 1900, 2100-jıllar Kabisa jılı emes). Jer bir jıl dawamında óz arbitası átirapında 365 kún hám 6 saat aylanadı. Sol sebepten hár 4 jılda 6 saattı qaplaw ushın fevral ayı 29 kún, bir jıl bolsa 366 kún dep belgilengen.

Áyyemgi Iranda jıl 365 kúnli (12 ay 30 kúnnen hám taǵı qosımsha 5 kún) bolıp, hár 120 jılda bir qosımsha ay kiritilgen. Omar Hayyam kalendarında hár 33 jıldıń 8 jılı (4, 8, 12, 16, 20, 24, 28 hám 33-jılları) Kabisa jılı esaplanadı. Bunda hár 4500-jılda bir sutkaǵa teń qáte jıynaladı. Bul bolsa házir qollanılatuǵın Grigoriy kalendarınan da anıǵıraq (qarań: Kalendar).