Ózbekstan «Milliy tiklanish» demokratiyalıq partiyası
Ózbekstan «Milliy tiklanish» demokratiyalıq partiyası (ÓzMTDP) — Ózbekstandaǵı siyasiy partiyalardıń biri. 1995-jıldıń 3-iyunında bolıp ótken qurıltayında shólkemlestirilgen. ÓzMTDP tereń milliy ruwx hám dúnyaqarasqa iye bolǵan, ruwxıy hám mánawiy watanpárwarlıq ideyaların, siyosıy tárepten óz táǵdirin ózi belgilewge, óz-ózin basqarıwǵa umtılıp atırǵan, ózligin ańlaw, milliy birlik hám milliy tikleniwdi áhmiyetli ómirlik maqsetleri dep bilgen puqaralardıń dúnyaqarasları hám máplerin birlestiredi. ÓzMTDP ziyalıları, milliy rawajlanıw jolınan baratırǵan isbilermenler, dóretiwshilik iskerlik penen shuǵıllanıp intellektual miynet tarawı wákilleri, ǵárezsizlik ideyasına sadıq jaslar, óz máplerin ulıwma milliy mápler menen birlestirip kórip atırǵan puqaralar hámde partiyanıń dástúrlik maqsetine mas túrde basqa sociallıq klaslarǵa súyenedi hám olardıń máplerin qorǵay aladı. Partiyanıń joqarı organı Qurıltayı bolıp, partiyanıń Oraylıq keńesi tárepinen keminde 5 jılda bir márte shaqırıladı. Qurıltaylar aralıǵında partiyanıń hárdayim isleytuǵın basshı organı — Oraylıq keńes (aǵzası)dur. Qaraqalpaqstan Respublikası, Tashkent qalası hám wálayatlardıń partiya keńesleri partiyanıń regionlıq shólkemleri esaplanadı. Qala hám rayonlarda Óz MTDPnıń qala hám rayon keńesleri óz iskerligin alıp baradı . Partiya óziniń átirapına 50 mıńnan artıq aǵzanı birlestirgen (2005). ÓzMTDP 1999-jıl 8-dekabrde birinshi ret Ózbekstan Respublikası Oliy Majlisinde bolıp ótken saylawlarda qatnastı hám parlamentte 12 deputattan ibarat óz fraksiyasın dúzdi. Fraksiya aǵzaları parlament komitetleri hám komissiyaları quramında nızamshılıq iskerligin alıp bardı, Oliy Majlistıń barlıq jumıs jónelislerinde, baqlaw analiz barısında, ideologiyalıq, ǵalabalıq tádbirlerde qatnastı. 2004-jıl 26-dekabrde eki palatalı parlamentke ótkerilgen saylawlarda 11 partiya aǵzası Oliy Majlistıń Nızamshılıq palatasınıń deputatı etip saylandı. Partiyanıń Nızamshılıq palatasındaǵı fraksiyasına partiya Oraylıq keńesi baslıǵı basshılıq qıladı. ÓzMTDPnıń baspası "Milliy tiklanish" gazetasıdur.
 | |
| "Milliy tiklanish" demokratik partiyasi ramzi.png | |
| Jetekshisi | Alisher Qodirov |
|---|---|
| Dúzilgen sáne | 3-iyun 1995-jıl |
| Bas shtab | Tashkent (Ózbekstan) |
| Ózbekstan Oliy Majlis Nızamshılıq palatasındaǵı orınlar |
29 / 120 (I shaqırıq)
31 / 150 (II shaqırıq)
36 / 150 (III shaqırıq)
36 / 150 (IV shaqırıq) |
| Sayt | mt.uz |
Partiya gazetası
redaktorlaw"Milliy tiklanish" - Ózbekstan "Milliy tiklanish" demokratiyalıq partiyasi (MTDP) gazetası. 1995-jıll 10-iyunnan Tashkentte shıǵa baslaǵan. Háptesine 1-márte shıǵadı. Shólkemlestiriwshileri: Ózbekstan "Milliy tiklanish" demokratiyalıq partiyası Siyasıy keńesi hám "Milliy tiklanish" gazetasınıń dóretiwshilik toparı. Ǵárezsiz mámleket shárayatında totalitar rejiminen qalǵan tiykarların tawısıwǵa, til, tariyx, mádeniyat, bilim, mánawiyat tarawlarında milliy hám ulıwmainsaniy qádiriyatlar sheńberinde tikleniwge, sol ideyalardı sociallıq ómir qatlamlarınıń ishine tereń kirip barıwına hám sol tiykarda jańa ómirlik hám insaniylıq dúnyaqaraslarınıń ústem bolıwına erisiw boyınsha MTDP alıp barıp atırǵan iskerligin jarıtıw gazetasınıń tiykarǵı wazıypasıdur. Bas redaktorı Ibrohim Gʻafurov. Nusxası 3000 (2003).