Ájayıp balalar
Ájayıp balalar (Túrkshe: Şimdiki Çocuklar Harika) - tanımalı túrk jazıwshısı Aziz Nesinniń 1967-jılı jazǵan romanı. 2014-jılı aprel ayındaǵı halatı boyınsha bup kitap Túrkiyada 68-basılımında jarıq kórdi hám usı waqıtqa deyin 525 000 dana basıldı. Aziz Nesinniń eń kóp satılǵan kitabı.
| Ájayıp balalar | |
|---|---|
| Negizgi atı | Şimdiki çocuklar harika |
| Avtorı | Aziz Nesin |
| Janr | roman |
| Mámleket |  Túrkiya |
| Kitap jazılǵan til | túrk tili |
| Original baspa jılı | 1967-jılı |
| Qaraqalpaqsha baspa jılı | 2016-jılı |
| Awdarmashı | Muratbay Nızanov |
| Bas redaktor | S. Baynazarova |
| Kórkemlewshi | I. Serjanov |
| Baspaxana | «Bilim» |
| Betler sanı | 148 |
| ISBN | ISBN 978-9943-4433-6-5 |
Bul roman qaraqalpaq tiline Muratbay Nızanov tárepinen awdarıldı hám 2016-jılı "Bilim" baspasında 148 bet kólemde, jámi 7200 nusqada basıp shıǵarıldı.
Mazmunı
redaktorlawAxmet penen Ziynep atlı eki bala bir-birine basınan ótkergenlerin xat almasıw arqalı aytıp beredi. Axmet penen Ziynep bir mektepte oqıydı, Ziynep keyin shańaraǵı menen Ankaraǵa kóship ketedi. Olar xat jazısıp turıwǵa wádelesedi. Ziyneptiń Metin, Axmettiń bolsa Fatosh degen ájaǵası bar. Axmet Ziynepke, Ziynep Axmetke mektep, úyde basınan ótkergen waqıyların aytıp beredi. Bul kitap balalardıń ata-analarına hám muǵallimlerine qalay qaraytuǵının sıpatlaydı jáne balalardıń ózin-ózi qorǵawǵa úyretedi.
Derek
redaktorlaw- Aziz Nesin. Ájayıp balalar. -Nókis, "Bilim", 2016. ISBN 978-9943-4433-6-5