Zarip Qasimov

Bul maqala Wikipedia qaǵıyda hám talaplarına say bolıwı ushın wikilestiriliwi kerek.
Zarip Fatixovich Qasimov

«Ózbekstanda miyneti singen muǵállim» (1898 – 1986)

Turmısı hám iskerligi

«Tań nurı» qaraqalpaq milliy teatr truppasın shólkemlestiriwshi hám onıń dáslepki kórkemlik basshısı. Z.F. Qasımov 1998 jılı Orenburg qalasında tuwılǵan^[1]. 1992 jılı Oraylıq atqarıw komitetiniń jollaması menen Xorezmge turaqlı muǵallimlik jumısına jiberilgen. 1922-1924 jılları Xorezm pedagogika texnikumında tábiyat tanıw muǵallimi bolıp islegen. Hamza Hakimzade Niyaziy Xorezmde bolǵan, dáwirinde «Sayor» truppasınıń jumısları menen qızıǵıp Hamza menen jaqın baylanısta bolǵan. Hamzanıń jardeminde texnikum oqıӯshılarınıń drama jámáátin duzgen hám basshılıq etken. 1924 jılı Tórtkul' pedagogika texnikumına muǵallim bolıp kelgen hám uzaq jıllar dawamında Qaraqalpaqstanda muǵallimlik kásibinde jumıs islegen^[2]. Z.F.Qasımov 1924-1925 jıllar oqıw máwsiminde pedtexnikum oqıwshılarınan Qaraqalpaq milliy teatr truppasın birinshi ret shólkemlestirgen házirgi qaraqalpaq mámleketlik sazlı teatrdıń tiykarın salıwshılardıń biri bolıp esaplanadı. «Tań nurı» truppasınıń qáliplesiiwi oǵan jergilikli talantlı jaslardı jámlestiriwde, truppa repertuarın dáslep qazaq teatr, ózbek dramaturglarınıń sońın ala jergilikli milliy avtorlardıń shıǵarmaları menen bayıtıwda onıń xızmetleri oǵada ullı.

Sıylıqları

Respublikamızda bilimlendiriӯ tarawında milliy kadrlar tayarlaӯdaǵı xızmetleri ılayıqlı bahalanıp Ózbekistan Oliy Májilisi hám Qaraqalpaqstan Respublikası Joqarı Keńesi Prezidumınıń Húrmet Jarlıqları menen sıylıqlanǵan. Oǵan «Ózbekstanda miyneti singen muǵallim» hurmeti ataǵı berilgen.

Derekler

[1] ttps://berdax-teatr.uz/22-zarip-fatihovich-asimov.html

[2] ttps://cyberleninka.ru/article/n/qoraqalpog-istonda-teatr-sanatining-shakllanishi-va-o-ziga-xos-xususiyatlari-tong-nuri-truppasining-tarixiy-taraqqiyot-bosqishlari/viewer

[1]

[2]