Wikipedia:Sabaqlıq

Wikipedia – erkin enciklopediya. Onı hárkim, solar qatarında siz de ózgerte alasız. Bul jerde Wikipediadaǵı betlerdi qalay ózgertiw múmkinligi haqqında sóz baradı.

Wikipediada akkaunt jaratıp, sistemaǵa kirgennen soń jańa paydalanıwshılarda óz háreketlerine beriklik jetispewi múmkin.
Bunday jaǵdayda dáslep Wikipedianıń bas betiniń joqarǵı oń bóleginde jaylasqan «Paydalanıwshı paneli»ndegi «Qaralama» betinde hár túrli redaktorlaw háreketlerin orınlap, tájiriybe arttırıp alıw usınıs etiledi.

Birinshi qádem

Qaralama betine ótiw siltemesi

Qaralama betinen sınaq maqsetinde paydalanıw ushın joqarıda aytıp ótilgen «Qaralama» jazıwınıń ústine basıp, betti ashıw kerek. Bettiń joqarısındaǵı tablar qatarında «Redaktorlaw» yamasa «Derekti redaktorlaw» ámelleriniń birewiniń ústine basıw arqalı paydalanıwshı óz qaralama betiniń redaktorlaw maydanshasına ótedi.

Bul eki tab («Redaktorlaw» hám «Derekti redaktorlaw») funkciyası jaǵınan birdey wazıypalardı atqarsa da, olardıń hár biri ózine tán ózgesheliklerge iye:

Betti redaktorlaw túymeleri

• «Redaktorlaw»: bul tabtı basıw arqalı paydalanıwshı arnawlı teskt ózgertiw támiynatı bolǵan VizualRedaktor járdeminde redaktorlaw maydanshasına ótedi. Bul támiynat járdeminde redaktorlawdıń abzal tárepi onıń ápiwayı kórinisinde. Basqasha aytqanda bunda «Derekti redaktorlaw»daǵı kibi hár qıylı arnawlı hám túsiniw qıyın bolǵan wikibelgiler bolmaydı hám maqala beti ápiwayı tekst kórinisinde beriledi. Jańa paydalanıwshılar basta usı rejimde islew durıs boladı.
• «Derekti redaktorlaw»: bul tabtı basıw járdeminde bettiń kod deregin redaktorlaw maydanshası ashıladı. Programmashılar bul maydan Wikiredaktor (Wikieditor) dep aytıladı. Bul maydan ashılǵanda jańa paydalanıwshılar ushın túsiniksiz bolıwı múmkin, biraq bunda redaktorlaw ushın kerekli ásbap hám buyrıqlar keń túrde berilgen.

Solay etip siz joqarıdaǵı wazıypası bir bolǵan eki tabtıń birewin basıp, maydanǵa qandayda bir maǵlıwmat jazıń. Sońınan maydan astına ótip, Saqlaw túymesin basıń. Nátiyjede ózgertken bet ashılıp, onda siz tergen hám saqlaǵan jazıw kórinedi.

Kórip shıǵıw

Redaktorlaw aynası astında:
Qısqasha túsindirme maydanı;
Bul kishkene ózgertiw hám betti baqlaw;
Saqlaw, Kórip shıǵıw hám Ózgerislerdi kórsetiw túymeleri.

Saqlaw túymesiniń qasında Kórip shıǵıw túymesi de bar. Ol nege kerek? Túsindirme: Kórip shıǵıw túymesi siziń ózgertiwińiz sol bette qanday kóriniwi múmkinligin kórsetedi, biraq saqlamaydı.

Ózgerislerdi kórsetiw

Kórip shıǵıw túymesi qasında Ózgerislerdi kórsetiw túymesi barlıǵın sezgen shıǵarsız. Onıń wazıypası ne? Bul túyme siziń házirgi ózgerisińiz hám aldınǵı ózgeris arasındaǵı ayırmashılıqtı, yaǵnıy siz nelerdi ózgerkenińizdi (yaki ózgertpekshi bolǵanıńızdı) belgilep kórsetedi.

Qısqasha túsindirme

Saqlá' tuymesin basiwdan aldin Juwmaq maydanina sol gezde qanday ózgertiw qilǵanińiz haqinda jazǵanińiz maqul (bul majbúriy emes, biraq bul basqa Wikipediashilardiń múshkulin ańsat qiladi). Maselen, „Xáteni dúzetdim“, „jańa jańaliq qostim“ hám t.b. Bul Juwmaq beti tarixinda sizdiń paydalaniwshi atińiz hám ózgertiwińiz sánesi qasinda kórsetiledi.