Wikipedia:Jıynalıslar/wikijıynalıs 2023-jıl 21-noyabr

Qaraqalpaq tilinde sóylesiwshi Wikimediashılardıń birinshi videokonferenciyası haqqında

Sán:21.11.2023

Orın: Telegram qosımshası (jabıq topar)

Qatnasıwshılar

• Doniyor Yóldoshev
• Inosham
• Gúlxan Medetbekovna
• Rabiga Shabatova
• Qaraqalpaqpan
• Succ5sS
• Abdullaeva Shaxnoza-Banu
• PirjanovNurlan
• Gulqumar Jaqsilikova

Kórip shıǵılǵan hám dodalanǵan temalar

• Qaraqalpaq tilinde sóylesiwshi Wikimediashılar paydalanıwshı toparın dúziw.
• Qaraqalpaqsha Wikipedia maqalalarınıń sanın hám sapasın jaqsılaw.
• Qaraqalpaqsha Wikipediaǵa fayllar qosıw, Wikimedia Fondı grantlarına qatnasıw, Jaslar isleri agentligi menen

birge islesiw, jańa paydalanıwshılar ushın treningler hám ushırasıwlar shólkemlestiriw h.t.b.

Juwmaqlar

• Qaraqalpaqsha Wikipediashılar sanın kóbeytiw: Bul ushın daǵazalar beriw kerek, biraq aldın videosabaqlıqlar islep shıǵıw lazım. Juwapker: Ajiniyaz.
• Fayllar qosıw: Fayl qosıw házirshe tek administratorlarǵa ruqsat etilgen. Sonıń ushın Doniyorǵa administratorlıqqa óz kandidatın qoyıw hám keleshekte fayllar qosıw boyınsha isler menen shuǵıllanıw usınıldı. Juwapker: Doniyor Yóldoshev.
• Qaraqalpaqsha Klaviatura mashqalası: QqKeyboard qosımshası jańa smartfonlarǵa ornatılmay atırǵanlıǵı aytıp ótildi. Nurlan programmashılar menen baylanısıwın aytıp ótti. Juwapker: PirjanovNurlan.
• Júzbe-júz ushırasıwlar ótkeriw: Bayramlarda Wikipediashılar keshelerin shólkemlestriw múmkin. Jáne 26-may 2008-jıl Qaraqalpaqsha Wikipedianıń tuwılǵan kúni esaplanadı. Úlken kólemdegi ushırasıwdı 2024-jıl 26-may sánesine qoyıwǵa boladı. Juwapker: Wikiadministraciya.
• Joba islep shıǵıp, sol tiykarda is tutıw: Házirgi Qaraqalpaqsha Wikipediadaǵı maqalalardı pútkilley qaytadan qarap, tolıqtırıp, qátelerin durıslap shıǵıw ushın arnawlı ilaj shólkemlestiriw kózde tutılǵan. Juwapker: Wikiadministraciya.
• Jaslar isleri agentligi menen baylanıs ornatıw: Gúlxan, Doniyorlar óz-ara pikirlesip, Jaslar isleri agentligi menen Qaraqalpaqsha Wikipedianı rawajlandırıw boyınsha sáwbetlesiwi ortaǵa taslandı. Juwapker: Gúlxan Medetbekovna, Doniyor Yóldoshev.
• Wikimediashılar paydalanıwshı toparın dúziw: Wikimedia Fondınan grantlar alıw ushın birinshi rásmiy Qaraqalpaq tilinde sóylesiwshi Wikimediashılar paydalanıwshı toparın dúziw usınıs etildi. Juwapker: Wikiadministraciya.