Tesikqala

Tesikqala —dáslepki orta ásirlerge tiyisli iri saray qarabaxanası (eramızdıń 7—8-ásirler). Qaraqalpaqstan Respublikası, Tórtkúl rayonındaǵı Búrkitqala oazisinde jaylasqan dáslepki orta ásir arxitekturalıq ótmishten qalǵan esteligi.Sızılması kvadrat bolǵan saray, átirapı qalıń paqsa diywal menen oralǵan. Orayda biyik paqsa sıpa ústinde kóp xanalı turar jay minarı boy kótergen. Onıń diywallarına arkalar menen bezetilgen yarım ústinler (kolonnalar) ornatılǵan. Diywal menen minar aralıǵına turar jay bólmeleri hám xojalıq áhmiyetindegi imaratlar qurılǵan. Tesikqala 1938-jıl S. P. Tolstoye basshılıq etken arxeologik ekspediciya tárepinen tekserilgen. Shúberek úzindileri, ılaydan islengen ıdıslar, bezew buyımları, teńgeler tabılǵan. Olardı úyreniw afriǵiyler mádeniyatın izertlewde tiykar bolıp xızmet etken.