Teppek

Teppek - bul qaraqalpaqsha milliy balalar oyını.

Oyın tártibi

Bul tiykarınan qızlar oyını. Bunıń ushın kólemi alaqannıń úlkenligindey aǵash kespe yamasa soǵan sáykes bos qutısha kerek boladı. Oyın tártibi, jerge aldı keteksheli sızıq sızıladı. Birinshi oyınshı qolındaǵı teppekti birinshi ketekshege taslap, onı bir ayaǵı menen hákkelep júrip, altınshı ketekke deyin sızıqtı basıp almay alıp keliwi kerek. Bul talaptı durıs orınlasa, endi teppekti ekinshi ketekke taslaydı. Usılayınsha altınshi ketekke deyin taslap, qaǵıydanı buzbay alıp shıǵıwi kerek. Teppek úshinshı, tórtinshi, besinshi, altınshı ketekke taslanǵanda da oyınshı birinshi ketekten baslap sol teppek turǵan ketekke deyin hákkelep barıwı tiyis. Kim burin óz ara belgilengen shekti iyelese, sol utqan boladı.

Dárekler

Nızanov M. Qaraqalpaqlar. Bilim-2021.