Taxtakópir rayonı

Taxtakópir — Qaraqalpaqstan Respublikasındaǵı rayon. 1928-jılı may ayında dúzilgen rayon 1963-jılı Shımbay rayonına birlestirilgen. Al 1965-jılı óz atı menen Shımbay rayonınan ajıralıp shıqqan.

Taxtakópir rayonı qublada Beruniy, qubla-shıǵısta Ellikqala, batısta Qaraózek, arqa-batısta Moynaq rayonları, arqa-shıǵısta Qazaqstan Respublikası hám shıǵısta Nawayı wálayatı menen shegaralasadı.

Maydanı 21,1 mıń km².

Xalqı 42,6 mıń adam (2004).

Rayonda 1 qala (Taxtakópir), 8 awıl puqaralar jıyını (Beltaw, Jańadárya, Múlk, Atakól, Aǵatay Ádilov, Qaraoy, Qaratereń, Qońıratkól) bar.

Rayon orayı — Taxtakópir qalası.

Tábiyatı

Rayon aymaǵı Ámiwdárya tómengi aǵımı shep jaǵasında jaylasqan.

Relyefi, tegislik hám Beltaw qırlarınan ibarat.

Shıǵısı Qızılqum shóli menen baylanısadı.

Egislik jerleriniń kópshilik bólimi shorlanǵan jerlerdi quraydı. Qumǵa jaqın jaylasqan aymaqlardaǵı úyler aǵash kemiriwshi qurt qumırsqadan, termitten jábir kórip, baspanasız qalıp, kóship ketiwge májbúr bolmaqta.