Taxiyatas gidrouzeli — A'miwda'ryanın' to'mengı bo'liminde qurılg'an gidrotexnika ima'ratı; qurılıs 1966 jılda baslang'an, 1976 jılda qurıp pitkezilgen. Topraqlı tog'an ha'm tosıqlı darwazalardan iba'rat. Tog'annın' ulıwma uzınlıg'ı 1650 m, eni 32 m, balentligi 4 8 m. Darwazalı bo'liminın' uzınlıg'ı 470 m, 25 darwazadan iba'rat, ha'r bir darwazanın' uzınlıg'ı 16 m. Suw biyikligi tog'an astınan ortasha 5,2 m ge ko'teriledi. Gidrouzel darwazaları tolıq ashılg'anda onnan 10500 m³/sek suw o'tiwi mo'njellengen. Ekki aqırg'ı darwaza balıq o'tkiziwge maslap qurılg'an. Gidrouzel tog'anı A'miwda'ryanın ekki bo'legin baylanıstıratın ko'pir wazıypasın ha'm atqaradı. Avtomobiller qatnaydı. Gidrouzeldin' shep bo'leginde shlyuz qurılg'an. Onın' boyı 65 m, eni 18 m. T.g . barpa etiliwi menen da'ryanın' on' qirg'ag'ınan baslanatug'ın Qızketken kanalına 7 darwazalı suw shıg'arg'ıshrastlag'ısh qurıldı. Ha'r bir darwazanın' uzınlıg'ı 10 m. Du'zetkishtin' maksimal suw sarıplawı 425 m³/sek. Tog'annan 300 m to'mendegı da'ryanın' shep qırg'agınan baslanatug'ın Suwenlli kanalına suw beretug'ın suw o'tkiziw kanalı qazılg'an. Gidrouzel Qaraqalpaqstan Respublikası, Xorezm wa'layatı, Tu'rkmenistannın' Tashawız wa'layatında qariyp 1 mln. gektar jerlerdi suwg'arıw imka'niyatın beredi.
