Tamdı rayonı

Tamdı rayonı

T A M D I


Tamdı rayonı Tamdı hákimshilik aymaǵı 1920-jılı Túrkistan Respublikasınıń Ámiwdárya bólimi quramında dúzilgen. 1921-jıldan Ámiwdárya bóliminiń Tórtkúl okrugine kirgen. 1928-jılǵa shekem Qońırat okrugine qaraǵan. 1928-jılı okruglardıń tarqatılıwına baylanıslı Tamdı aymaǵı tikkeley wálayat (Qaraqalpaq erikli wálayatı) qaramaǵındaǵı rayon sıpatında qayta dúzilip, orayı bolıp Mıńbulaq mákanı belgilengen. Tamdı rayonı dáslepki waqıtta bes awıllıq hákimshilikten ibarat bolǵan. Bul awıllıq hákimshilikler bolıslıqlarǵa baǵınǵan. Sońınan rayon orayı Tamdıbulaq mákanına kóshirilgen. Tamdı rayonı 1943-jıldan (ўaqıtsha jayılım esabında) Buxara wálayatına qaratıladı. 1982-jılı Nawayı wálayatınıń dúziliwi menen jańa hákimshilik aymaqqa qaraydı. 1988-1992 jılları dáslep, Samarqand, sońıra Buxara wálayatı quramına qosıladı. 1992-jıldan baslap qaytadan Nawayı wálayatı quramında. Rayonnıń tiykarǵı xalqın qaraqalpaqlar menen qazaqlar quraydı. Túpkilikli xalqı qaraqalpaqlar. Házirgi waqıtta xalıqtıń 60 payızǵa jaqını qazaq milleti wákilleri, 35 payızdan aslamı qaraqalpaqlar, qalǵanı basqa da milletler. Rayondaǵı oqıw-tárbiya isleri qazaq, qaraqalpaq, ózbek hám orıs tillerinde alıp barıladı. Tamdı rayonına «Tamdıbulaq», «J.Balıymanov», «Ayaqqudıq», «Keregetaw», «Keriz», «Birlik» shirket xojalıqları qaraydı. Xalqınıń tiykarǵı kún-kóris tirishiligi mal sharўashılıǵı bolıp esaplanadı.

Derek: Seydin ÁMIRLANRedaktorlaw