Túyelerdiń jaǵdayi hám intereri

Túyelerden isshi haywan sıpatında paydalanıw sahra,yarim sahra hám shól aymaqlarında basqa haywanlarǵa kóre túyeler kúshli júk kóteriwshi esaplanadı. Uzaq jaylawlarda qoy hám padalardı baǵıwda túyelerden keń paydalanıladı. Sonday-aq transport sıpatında oǵada áhmiyetke iye. Olardıń abzallıqları sonda, hár qıylı sharayatta jollarda júriwde ekonomikalıq nátiyjelilikke iye. Arabistan shóllerinde arablar túyelerdi minip ásten júredi, saatına 4-5 km basadı. Bir kúnde 40 km den aspaydı. Arabistan mámleketiniń ayırım bir orınlarında túye áskerleri bar. Olardıń ortasha tezligi saatına 13 km. Urǵashı túyeler erkek túyelerge salıstırmalı tez júredi, shıdamlı hám kóp júk kóteriw qábilietine iye. Kópshilik arablar túyelerge kóp júk artıwdan qorqadı, yaǵnıy sharshap qalmaslıǵı ushın, júklegen júginiń awırlıǵı ortasha 110-120 kg. Túyeniń qábilieti oǵan salıstırmalı kóp bolsa hám onnan zıyat júk júklemeydi.