Tábiyat muzeyi

Ózbekstan mámleketlik tábiyat muzeyi yamasa tábiyat muzeyi— Oraylıq Aziyadaǵı dáslepki iri ilimiy shólkemi. " Tashkent muzeyi" atı menen 1876 jılı Tashkent qalasında islengen. 1921 jılda muzey esteliklerdi saqlaw, kórkem óner hám tábiyat jumısları boyınsha komitet ıqtıyarına ótkerilip, Orta Aziya bas muzeyi atınıń aldı. 1930 jılda tábiyat bólimleri, awıl xojalıǵı muzeyi hám de Zoologiya baǵı menen birge Orta Aziya tábiyat muzeyi hám óndiriwshi kúshler atı berildi. 1935- jıl yanvar ayında Ózbekstan Mámleket tábiyat muzeyine aylandırıldı 1944 jıldan muzey bay ilimiy fondlardı saqlaytuǵın shólkem retinde Ózbekstan FA sistemasına, 1963 jıldan bolsa Ózbekstan mádeniyat jumısları ministrligi quramına ótkerildi. Muzeyde zoologiya hám botanika; geologiya hám geografiya ilimiy fond bólimleri bar. Muzey kórgizbe zallarına jerde turmıstıń payda bolıwı hám rawajlanıwı, organikalıq dunya evolyutsiyası, adamnıń payda bolıwı, respublika tábiyatı jáne onıń baylıqları, olardan paydalanıw tuwrısında kóplegen tábiyiy eksponatlar, kolleksiyalar hám kórgizbeli materiallar qoyılǵan.

Muzeyde jámi 372021, atap aytqanda botanika boyınsha 10496, zoologiya boyınsha 359642 (sonnan 355045 shıbın-shirkeyler), geol. boyınsha 1883 eksponat bar (2004). Muzeyde úlketanıwlıq hám muzeytanıwshılq máseleleri boyınsha ilimiy izertlew jumısları alıp barıladı. Muzeydi hár jılı 50 mıńnan aslam kisi kirip kóredi.

Derekler

ÓzME,Birinshi tom, Tashkent, 2000-jıl