Stol tennisi

Stol tennisi — Kishkene top hám raketkalar menen stolda oynalatuǵın sport oyını. Shıǵıs Aziyada payda bolǵan. 20-ásirdiń 20 jıllarınan baslap kóp mámleketlerge tarqalǵan. Dáslep "pingpong" (frans.pingpong — toptıń raketka hám stolga urılıǵanında shıǵatuǵın dawıs) dep atalǵan. Stol tennisi ushın, ádette, stol ólshemi 152,5 x274, 3 sm; biyikligi 76 sm; torı 183 x 15, 25 sm boladı. Aǵash raketkanıń beti rezina plastina menen qaplanadı. Top aq plastikadan islenedi, diametri 37,2—38, 2 mm, salmaǵı 2,4—2,53 g. Oyın maydanshasınıń ólshemi 6—7 x 12–14 m. Rásmiy jarıslar sport zallarında ótkeriledi: er adamlar hám hayallar — komanda bolıp, jalǵız halda hám juplıqta hám de aralas juplıqta bellesedi. Oyın 3 yamasa 5 partiyadan oynaladı. Oyınshılardan biri 21 ochko toplasa, ol jeńimpaz esaplanadı. Eger esap 20:20 bolıp qalsa, ol jaǵdayda oyınshılardan biri 2 ochko artıq toplaǵanǵa shekem oyın dawam ettiriledi. Stol tennisi Xalıq aralıq federatsiyası (ITTF, 1926-jıl shólkemlestirilgen) 130 dan artıq milliy federatsiyalardı birlestiredi. 1926-jıldan hár 2 jılda jáhán birinshiligi ótkeriledi, 1988-jıldan Olimpiada oyınları programmasına kiritilgen.

Ózbekstanda Stol tennisi keń tarqalǵan. Ózbekstan chempionati hám kubogi jarısları úzliksiz ótkerip turıladı. Ózbekstan Stol tennisi federatsiyasi 1993-jıl ITTFga aǵza bolıp kirgen. ózbekstanlı Manzura Inoyatova, Saida Burhonxo'jayeva, Svetlana Geta jáhán chempionatında (Doxa sh., Katar, 2004-jıl mart ) 1 orındı alıp, altın medallar menen sıylıqlanǵan. Úlgi:OʻzME