Shırshıq

S h ı r s h ı q dáryası  Sırdáryanıń eń suwlı oń tarmàǵı esaplanadı. Ol Shatqal hám Piskom dáryalarınıń Sharvaq batıǵında qosılıwınan júzege keledi. Shırshıq dáryasınıń uzınlıǵı Shatqal menen birge 397 km di quraydı. Shırshıq qar-muz suwlarınan toyınadı. Sonlıqtan, onıń tasqın suw dáwiri mart-iyun (53 procent) aylarǵa, eń kem suw dáwiri bolsa dekabr-fevral aylarına tuwrı keledi. Dáryanıń ortasha kóp jıllıq suw sarplanıwı Xojakent janında sekundına 224 m3, eń kóbi báhárde sekundına 2100 m3, eń azı qısta sekundına 22 m3 sarplanadı. Shırshıq dáryası suwınıń ortasha ılaylıǵı Xojakent janında 0,275 kg/m3 qa teń.