Shıģarma jumısı

Shıǵarma jumısı — dóretiwshilik miynettiń eń joqarǵı kórinisi. Onda aqılıy miynet sáwlelenedi. Shıǵarma jumısı oqıwshılardıń sanasında bilim hám kónlikpe payda etedi, óz pikirlerin izbe-iz bayanlaw ushın tájiriybesin arttıradı. Shıǵarma jazdırıw oqıwshılardıń bilim dárejesin tekseriwde úlken áhmiyetke iye. Shıǵarma jazıw arqalı oqıwshılardıń til baylıǵı, jazba sawatlılıǵı, bayanlaw sheberligi, erkin pikirlewi, sózlerdi hám irkilis belgilerin orınlı qollanıwı, sonday-aq, túsinigin tıńlawshıǵa jetkerip beriw qábileti artadı. Shıǵarma jazıw ushın eki basqıshta jumıs alıp barıladı: 1. Shıǵarmanıń qaralama nusqasın tayarlaw. 2. Shıǵarmanı aq qaǵazǵa kóshirip jazıw. Shıǵarmanıń qaralama nusqası jumıstıń dáslepki basqıshında orınlanǵanı ushın,onda sózler óshirilgen, yaki basqa sóz benen ózgertilgen, abzaclardıń ornı kó- shirilgen bolıwı múmkin, biraq bular shıǵarmanı tekse- rip atırǵanda názerden tısqarı bolıp, bahalawda esapqa alınbaydı. Ayırım jaǵdaylarda shıǵarmanıń taza betke kóshirilgen nusqasında túsiniksiz gápler,lar yaki sózler bolsa, onday jaǵdayda shıǵarmanıń qaralama nusqası salıstırıladı hám qaralamadaǵı durıs jazılǵan gápler, abzac yaki sózler esapqa alınıwı jaǵdayları da ushırasadı.