Sandıq

Sandıq- ruwzıger buyımı bolıp, ishinde úy ánjamları, kiyim-kenshek,bezeniw buyımları hám basqa buyımlar saqlanıwı ushın arnalǵan. Ol, tiykarınan, aǵashtan tayarlanıp, betine qańıltırdan bezek (naǵıs) beriledi. Forması tórt múyesh, ústi qaqpaqlı bolıp, zulpın hám de uslap kóteriw ushın eki qaptalına saqıyna ornatıladı, jerden kóterilip turıwı ushın astına sına qaǵıladı. Sandıqtıń aldı, artı hám astınǵı taxtayları bir-birine qosıp shegelenedi, beti pardozlanadı.Betine qosquraq, shash, nayzalı, badamsha hám basqa naǵıslar salınǵan sandıqlar ámeliy ónerdiń joqarı úlgisi bolıp esaplanadı.