Salıq – barlıq yuridikalıq hám fizikalıq shaxslar mámleket yamasa jergilikli byudjetke ámelge asıratuǵın ulıwma májbúriy tólemlerdiń bir túri esaplanadı.Salıqlardı belgilew, júrgiziw hám tólew menen baylanıslı barlıq qatnasıqlar Ózbekstan Respublikasınıń Salıq kodeksi menen basqarıladı.Bul Kodekske muwapıq salıq sisteması Ózbekstan Respublikasınıń barlıq aymaǵında salıq tólewshiler ushın birden-bir bolıp tabıladı. Ózbekstan Respublikası Salıq kodeksiniń 5-statyasına muwapıq, salıq nızamshılıǵı salıq tólewdiń májbúriylik, salıqqa tartıwdıń ádillik, salıq nızamshılıǵınıń járiyalılıq hám salıq tólewshiniń haqlıǵı prezumpciyası principlerine tiykarlanadı. Salıqqa tartıw tikkeley – esapqa alınǵan daramattan yaki mal-múlk bahasınan hám de janapay boladı, yaǵnıy tovar hám xızmetler nırqın,akciz saliǵın, bajxana bajların hám taǵı basqalardı asırıw arqalı óndiriledi.