Sùnnetlew

Sùnnetletiw. Sùnnetke otırģızıw VII-V|I àsirlerde Arab ellerinen shıģıp pu’tkil musılman jurtına taraģan. Sùnnetletiw musılmanlardıń belgisi bolıp sanalģan. Er balanı sùnnetlew 5,7 yamasa 9 jasında bolģan.Balanı qansha tez sùnnetke otırģızsa sonsha awırsınbay tez jazılıp ketetuģın bolg’an. Sùnnetletiw kòbinese jazda yamasa gùz aylarında balanıń denesine ta’sir etpesin degen uģım menen islengen. Sùnnetletiw ushın balanı sheshindirip, àkesi yamasa aģaları qol-ayaģın qattı uslap,shash tàrezi sùnnetleytuģın bolģan.Bir eki, ùsh, tòrt, bes Tàshibay ushın kes dep aylandırıp otırıp, o’tkir pıshaq penen terini kesip alıp, qandı toqtatıw ushın tànge kùl saladı,qurım kiyizdi otqa kùydirip sonıń kùlin basadı. Shash tàrezshige balanı sùnnetke otırģızģanı ushın qoy, eshki yamasa kòylek, kostyum-shalbar, aqsha beredi. Sùnnet toyı kùni aģayın tuwısqanları, qońsı-qobaları, dos-yaranları súnnetke otırģan balaģa kewlinen shıqqan zatların beredi .Mısalı ha’r qıylı oyınshıqlar, kòylek bergen. Sùnnetke otırģızıw birinshiden musılmanshılıqtıń belgisi bolsa, ekinshiden balanıń er jetkenliginiń gúwası bolģan.