Ráwiya Esemuratova
Ráwiya Esemuratova (1927-2019) 1927-jılı 13-iyunde Tórtkúl qalasında tuwıldı. 1946-jılı Shımbay peduchilishesin pitkerip, 1946-1947-jılları Qaraqalpaqstan bilimlendiriw ministrliginde baslanǵısh mektepler boyınsha inspektor bolıp isledi. 1949-1952-jılları QMPI pitkergennen keyin Nókis qalasınıń mekteplerinde qaraqalpaq tili hám ádebiyatınan sabaq berdi. 1952-1956-jılları M.V.Lomonosov atındaǵı Moskva mámleketlik universitetinde oqıdı. 1956-1957-jılları ÓzIA Qaraqalpaqstandaǵı ekonomika hám mádeniyat institutında kishi ilimiy xızmetker islese, 1961-jıl ÓzIA QF N.Dáwqaraev atındaǵı TTAI sózlikler hám terminologiya bóliminde úlken ilimiy xızmetker bolıp isledi.
| [[Fayl:|280px|súwret]] | |
| Tuwılǵan sánesi | 13-iyun 1927 |
|---|---|
| Qaytıs bolǵan sánesi | 24-oktyabr 2019 (92 jasta) |
1964-jılı Tashkentte "Qaraqalpaq leksikasınıń Ullı Oktyabr revolyuciyasınan keyingi dáwirde rawajlanıwı" degen temada kand.diss. jaqladı.
1977-jılı R.Esemuratovaǵa "Qaraqalpaqstanǵa miyneti sińgen ilim ǵayratkeri" húrmetli ataǵı berildi.
1996-jılı ol tórt tomlıq "Qaraqalpaq tiliniń túsindirme sózligin" dúziwge qatnasqanlıǵı ushın Ózbekstan Respublikası ilim hám texnika tarawındaǵı Beruniy sıylıǵınıń laureatı boldı. Ilimpaz 2019-jılı 24-oktyabrde dúnyadan ótti.
Miynetleri redaktorlaw
- Razvitie karakalpakskoy leksiki posle Velikoy Oktyabrskoy socialisticheskoy revolyucii.(T., 1964);
- Oktyabr hám qaraqalpaq leksikası. (N., 1966);
- Qaraqalpaq tiliniń qısqasha orfografiyalıq sózligi. (N., 1989 basqa avtorlar menen birge);
- Qaraqalpaq tiliniń qısqasha orfoepiyalıq sózligi. (N., 1992 basqa avtorlar menen birge).